千賀水產の鮮鍋道場 (已結業)

天氣轉涼,同朋友揀左呢間千賀水產の鮮鍋道場試一試,環境好大好舒服,唔會覺得好逼,自助區仲有分熟食,打邊爐用料,飲品,同埋甜品區。先揀湯底,我就揀左黑蒜油同人蔘湯底,又香又暖!每張枱都會送個海鮮拼盤同一份刺身。海鮮拼盤好大份,魚肉夠哂新鮮,唔會好腥,鮑魚好有鮮味又彈牙,而D蚌都一樣好好食,唔會有腥味,食落都係好彈牙刺身選擇唔多,但係以一間打邊爐餐廳提供既刺身黎講,已經係好出色,無雪味,唔會硬身,正呀!任點既牛肉品質好好,唔會好多肥膏,食落好有牛味,如果大家食羊既話,羊肉都係十分推介,加埋人蔘湯底好暖身!丸類選擇都算多,特別推介我最鍾意食既海膽丸,唔係平價貨色,好足料!仲點左蟹柳同墨魚滑,同樣都係好有鮮味,十分推介!飲品方面有果汁,咖啡之外,仲有可以自己DIY既熱茶,清清口腔,唔會太重口味