神輿日本料理 (已結業)

近年放題質數愈嚟愈好，為食豬太郎梗係唔汁輸，去食返餐勁嘅先喇！呢間位於旺角嘅神輿日本料理，門口有位坐，就算等位都唔驚企定定咁攰！價錢嚟講中上，睇埋啲嘢食點先！.每張枱上都有一本厚厚嘅落單紙，有齊晒刺身丶壽司丶卷物/手卷丶小食丶炸物丶主食丶鍋物丶一品料理丶爐端燒同飲品，非常豐富，嗌咗兩round，都無漏單嘅情況！verygood! .第一Round樣樣嗌少少，當然唔少得刺身！平時嗌刺身，都會一大架船嚟，但真正食得嘅就得少少，呢度就還原基本步，簡簡單單用隻碗嚟上～三文魚好厚身！甜蝦都好新鮮㗎！所以之後都有encore！.值得一讚嘅係壽司飯好細！唔會食多兩件就飽咗仲有得嗌海膽壽司𠻹，質素中上，任食嚟計好化算！.食完凍嘢點可以唔嗌啲串燒！熱辣辣雞腎、雞軟骨絕對係要瘋狂食多兩串，仲有燒菠蘿、雞翼等等，款式好豐富、夠晒吸引～.食得太飽無去到食甜品 門口除咗有得食雪糕，仲有啲糕點，下次嚟食要試埋佢！