極尚大瀛喜日本料理 (已結業)

呢間放題價錢適中，如果7:30前離座/9:30後入座仲有85折，而且質素幾好，同埋個度有自助吧。自助吧有沙律，冷盤，甜品，飲品，雪糕可以攞。我地嗌坐啲刺身，羊架，炸蝦天婦羅，烤菠蘿，鹽燒牛舌，炸榴蓮波波，鰻魚，黃金燒原隻帆立貝等等。刺身有我最鍾意嘅希靈魚，所以食左十幾件😂 啲刺身係厚切同幾新鮮，同埋選擇都幾多，值得一提係啲三文魚係肥美的。天婦羅係即叫即炸👍🏼啲炸粉啱啱好唔會太厚。作為牛舌愛好者，呢間燒牛舌真心幾正，火喉啱啱好唔會太老，所以嗌左好多黎食。如果你鍾意食榴蓮嘅話就一定要試下佢嘅炸榴蓮波波，榴蓮味好足👍🏼 同埋值得一提嘅係，你落單落幾多，佢通常都會俾足你。