影片
更多
2022-10-09
693 瀏覽
魚子醬煎龍躉🥩A5鹿兒島和牛扒🦀鮮甜花蟹魚湯！-香港越黎越多銀座式商廈，即係有買有食嘅寫字樓，而且環境裝修靚，多數都比較高端，而糖街新起呢座就係其中之一。而呢間新開餐館位於高層，仲有幾枱戶外露台位，夜景超級迷人。主打日法料理，而且用上唔少海鮮，既有日本嘅食材鮮美，又有法菜嘅精緻烹調手法。-🍴6-course Menu ($760)🥓金箔魚子醬 手磨山葵柚子醋 三文魚他他睇名都見矜貴，魚子醬嘅濃厚鮮味，配上山葵柚子醋酸甜，開胃又衝擊味蕾嘅一道前菜。🦪慢煮磯燒鮑魚經兩小時慢煮嘅鮑魚，非常入味之餘，口感軟腍，簡單得黎又令人難忘。-湯品：🦀花蟹肉立魚濃湯令人驚喜嘅鮮濃湯，新鮮花蟹生拆蟹肉，加入足料立魚，熬得濃郁又濃稠，鮮甜無比。🥩北海道帶子原隻日本迷你南瓜湯 (+$40)同樣質感濃厚嘅濃湯，用上原隻日本南瓜，特別濃甜，加上北海道帶子，更顯鮮味。-主菜：🥘北海道海膽意大利飯 (+$40)六道菜重點之一，非常重手地鋪滿 北海道海膽，極足料鮮甜，意大利飯加入濃厚芝士，啖啖芝士同忌廉香，邪惡又超滿足。🦐焗琵琶蝦福袋福袋外層微微酥脆，包住鮮甜琵琶蝦，餡料層次豐富，又有琵琶蝦鮮味，令人驚喜。🍲煎龍躉 •
-
香港越黎越多銀座式商廈，即係有買有食嘅寫字樓，而且環境裝修靚，多數都比較高端，而糖街新起呢座就係其中之一。
而呢間新開餐館位於高層，仲有幾枱戶外露台位，夜景超級迷人。主打日法料理，而且用上唔少海鮮，既有日本嘅食材鮮美，又有法菜嘅精緻烹調手法。
-
🍴6-course Menu ($760)
🥓金箔魚子醬 手磨山葵柚子醋 三文魚他他
睇名都見矜貴，魚子醬嘅濃厚鮮味，配上山葵柚子醋酸甜，開胃又衝擊味蕾嘅一道前菜。
🦪慢煮磯燒鮑魚
經兩小時慢煮嘅鮑魚，非常入味之餘，口感軟腍，簡單得黎又令人難忘。
-
湯品：
🦀花蟹肉立魚濃湯
令人驚喜嘅鮮濃湯，新鮮花蟹生拆蟹肉，加入足料立魚，熬得濃郁又濃稠，鮮甜無比。
🥩北海道帶子原隻日本迷你南瓜湯 (+$40)
同樣質感濃厚嘅濃湯，用上原隻日本南瓜，特別濃甜，加上北海道帶子，更顯鮮味。
-
主菜：
🥘北海道海膽意大利飯 (+$40)
六道菜重點之一，非常重手地鋪滿 北海道海膽，極足料鮮甜，意大利飯加入濃厚芝士，啖啖芝士同忌廉香，邪惡又超滿足。
🦐焗琵琶蝦福袋
福袋外層微微酥脆，包住鮮甜琵琶蝦，餡料層次豐富，又有琵琶蝦鮮味，令人驚喜。
🍲煎龍躉 • 意大利金箔魚子醬 伴日本香印提子汁
脂香濃厚肥美嘅龍躉，配上酸甜香印提子汁，中和魚脂膩感，配搭一流，再加上濃鮮魚子醬，鮮味填滿口腔。
🥩A5日本鹿兒島和牛 (+$160)
非常肥美嘅鹿兒島和牛，經過炭烤，外層微微焦香，肉扒再配上和牛原汁，更顯肉汁豐富，更加幸福滿滿。
-
甜品：
🍮焦糖燉蛋布丁
🍫朱古力慕斯
兩款甜品都非常濃厚，Mousse用上法國朱古力，濃郁甘香，法式燉蛋表面焦糖香脆，內裡蛋香又幼滑。
🍹飲品方面，Mocktail亦係招牌，田中叫咗Shiawase同Scent ($80)，特別濃而酸甜，搭配濃厚菜式或肉類都係絕配。
張貼
