禮記 (已結業)

中午最鍾意就係去飲茶，呢日行完Donki就去咗隔離試新餐廳食點心。比起茶樓，呢度就寧靜得多，而且裝潢高雅，坐位闊落舒服。呢度嘅點心比起一般茶樓價錢略貴一點，但味道及款式確實令人有驚喜，每款賣相都十分精緻。鮮蝦米綱腸粉腸粉好滑，鮮蝦大大隻夠彈牙，裏面仲有香脆的米綱，食落口感非常豐富黑金流沙包黑色包配上金色賣相一流，外皮柔軟有陣陣嘅芝麻香氣，一咬開裏面嘅奶黃如流沙般湧出紅菜頭松露惹菌餃將super food紅菜頭加入餃皮真係第一次試，而厚度亦做得啱啱好，加上內餡豐富，食落好有咬口奶黃炸煎堆熱辣辣，咬落好煙韌，裏面仲有流沙奶黃餡，配搭幾新鮮味道仲好夾喺度嘆番一盅兩件，細味品茶，絕對係一種享受！