拾う月

營業中

休息中

去新蒲崗探親戚，佢多數都帶我嚟食呢間街坊餐廳，今次見餐廳推出咗壽喜燒鍋，唔使而家天氣凍冰冰食。壽喜燒牛肉鍋 二人份 $198牛肉份量足，我哋每人都有10塊8塊食。牛肉質地都幾好，帶少少肥，唔會肉韌，牛味都幾好，加上壽喜燒汁甜甜地，好好味。壽喜燒鍋配上好多生菜、金菇、冬菇、豆腐、豆腐卜，仲有一啲好似紅薯粉咁嘅麵煙煙韌韌，吸收晒壽喜燒汁精華，好好味。鰻魚炒飯 $66 炒飯炒得幾香，鰻魚粒肥美，粟米粒爽口幾有口感，炒飯配上一啲青椒紅椒粒，幾惹味。牛柳粒串 $36我幾驚串燒都幾吸引，但係兩個人食唔到好多嘢，就係咁易叫咗一串試吓，牛柳粒肉質鬆軟，擠啲檸檬汁食可以解膩。