影片
更多
2021-10-06
616 瀏覽
啱啱開始踏秋，就已經好想打邊爐！於是朋友就搵咗間位於尖沙咀的火鍋放題，到埗後發現原來間餐廳係新店開張😍！火鍋有好多款選擇，款款都包你吃得飽！而時限就120分鐘，完全唔會食得好趕。老檀酸菜魚頭盤揀咗酸菜魚，因為感覺冇咁Heavy，而且我同我朋友都鍾意食魚。酸菜魚湯底鹹鹹酸酸，令人極之開胃。魚肉鮮美，配上香濃的酸菜魚湯，有絕佳的嫩滑爽口感！美國極品級靚牛五款靚牛款款吸引😍，當中我最喜歡雪花肥牛，油花分佈平均，肉質富彈性。而我朋友就最鍾意牛下肩，吃起來軟嫩適中，牛味濃郁。嫩滑鯇魚片魚片爽滑，肉質厚實又嫩滑，次次幾乎打邊爐都必定會食！日本黑豚肉呢度嘅牛肉好掂，原來豬肉都唔輸蝕。黑豚肌肉間脂肪較多油花，食落口感幼細易咬斷，唔錯唔錯！黃金麻吉燒呢個麻吉燒我第一次食，已經深深愛上😍！所以一定要推介下！麻吉燒有天然魚肉外皮，煙韌年糕內餡，口感層次極為豐富，而且味道都好好味😋！其實打邊爐來講呢度選擇都叫好多，而且肉類、雞件、蝦滑魚滑、飲品等仲可以無限量添加，所以性價比好高👍🏻👍🏻👍🏻，值得再來！
啱啱開始踏秋，就已經好想打邊爐！於是朋友就搵咗間位於尖沙咀的火鍋放題，到埗後發現原來間餐廳係新店開張😍！
火鍋有好多款選擇，款款都包你吃得飽！而時限就120分鐘，完全唔會食得好趕。
老檀酸菜魚
頭盤揀咗酸菜魚，因為感覺冇咁Heavy，而且我同我朋友都鍾意食魚。酸菜魚湯底鹹鹹酸酸，令人極之開胃。魚肉鮮美，配上香濃的酸菜魚湯，有絕佳的嫩滑爽口感！
美國極品級靚牛
五款靚牛款款吸引😍，當中我最喜歡雪花肥牛，油花分佈平均，肉質富彈性。而我朋友就最鍾意牛下肩，吃起來軟嫩適中，牛味濃郁。
嫩滑鯇魚片
魚片爽滑，肉質厚實又嫩滑，次次幾乎打邊爐都必定會食！
日本黑豚肉
呢度嘅牛肉好掂，原來豬肉都唔輸蝕。黑豚肌肉間脂肪較多油花，食落口感幼細易咬斷，唔錯唔錯！
黃金麻吉燒
呢個麻吉燒我第一次食，已經深深愛上😍！所以一定要推介下！麻吉燒有天然魚肉外皮，煙韌年糕內餡，口感層次極為豐富，而且味道都好好味😋！
其實打邊爐來講呢度選擇都叫好多，而且肉類、雞件、蝦滑魚滑、飲品等仲可以無限量添加，所以性價比好高👍🏻👍🏻👍🏻，值得再來！
張貼
