Shari Shari Kakigori House 氷屋 (已搬遷) 新店位置

離開繁華嘅銅鑼灣鬧市，行到聖保祿附近，有一條食街，入面有一間我地超級無敵鍾意食嘅甜品店🍧。我地已經食過4、5次，每次都係咁滿意，今期嘅special 係黑芝蔴。🐼日本黑芝麻味（$95）刨冰分開上下兩層，中間夾左一些黃豆粉/醬，令整個刨冰不會過於單調。👄👄刨冰淋上超多嘅芝麻醬，入口非常濃郁，比人一種食緊芝麻糊嘅感覺。芝麻醬既份量相當足夠，厚厚的醬足夠讓人吃掉八成冰🤓🤓，剩低嘅冰味道較淡可以清一清膩感。⠀👦🏻認為黃豆粉係整個刨冰既靈魂，甜甜地又香口有黃糖嘅感覺同刨冰好夾，不過略厭份量唔夠多，唔夠喉！😤總結：唔同味道有唔同嘅驚喜，推薦抹茶同伯爵茶（👧🏻：一定要試呢兩隻味🥰）。店內環境舒服，可以行完街食個冰嘆下。一份冰都幾大份，可以兩至三人share食（留意返店內有最低消費）。加其他甜品就唔太建議，加黃豆粉或白玉🍡係唔錯嘅選擇。