影片
更多
2022-06-16
536 瀏覽
最近比較迷上工廠地區嘅一啲美食，今日就嚟到美食集中營嘅駱駝漆大廈搵下今日就揀咗一間日本餐廳嚟試下，成間餐廳都係日本style真係有感覺似去咗日本餐廳食嘢。不過就比日本嘅餐廳大好多坐位都舒適好多牆上面擺滿曬日式燒酒同米酒嘅樽，好有去咗日本嘅感覺，冇得去旅行唯有自己ff下海膽吞拿魚丼 $198Uni & Tuna donburi附前菜、茶碗蒸、蜆肉味嘈湯、甜品送上黎既賣相非常靚，未食已經口水流。魚生全部厚切， 用厚切既拖羅同赤身配吞拿魚蓉，再加上粒粒分明同非常飽滿嘅海膽，簡直無得輸！而粒質係我非常喜愛既口感，略帶少少酸味非常開胃而前菜嘅細節亦都恰到好處味噌湯味道富豐帶蜆香鮮味，麻醬沙律份量啱啱好 ，荼碗蒸夠熱唔太咸，入面仲有蟹柳做點綴，非常正！火炙魚生蟹膏丼 $148Seared Sashimi with crab paste donburi太太點既呢款亦都巾幗不讓鬚眉魚生滿滿包括有帶子、三文魚、蟹子蟹肉蟹膏魚生因為用火炙過，消除咗魚生油膩感覺，而且蟹肉每一啖都混合咗蟹膏嘅香味，每一啖都非常甘甜美味！呢度非常值得一讚係佢嘅所有魚生都非常新鮮，特別係吞拿魚仲食到佢新鮮嘅氨基酸嘅微酸味，真係好
最近比較迷上工廠地區嘅一啲美食，今日就嚟到美食集中營嘅駱駝漆大廈搵下
今日就揀咗一間日本餐廳嚟試下，成間餐廳都係日本style真係有感覺似去咗日本餐廳食嘢。不過就比日本嘅餐廳大好多坐位都舒適好多
牆上面擺滿曬日式燒酒同米酒嘅樽，好有去咗日本嘅感覺，冇得去旅行唯有自己ff下
海膽吞拿魚丼 $198
Uni & Tuna donburi
附前菜、茶碗蒸、蜆肉味嘈湯、甜品
送上黎既賣相非常靚，未食已經口水流。魚生全部厚切， 用厚切既拖羅同赤身配吞拿魚蓉，再加上粒粒分明同非常飽滿嘅海膽，簡直無得輸！而粒質係我非常喜愛既口感，略帶少少酸味非常開胃
而前菜嘅細節亦都恰到好處味噌湯味道富豐帶蜆香鮮味，麻醬沙律份量啱啱好 ，荼碗蒸夠熱唔太咸，入面仲有蟹柳做點綴，非常正！
火炙魚生蟹膏丼 $148
Seared Sashimi with crab paste donburi
太太點既呢款亦都巾幗不讓鬚眉
魚生滿滿包括有帶子、三文魚、蟹子蟹肉蟹膏
魚生因為用火炙過，消除咗魚生油膩感覺，而且蟹肉每一啖都混合咗蟹膏嘅香味，每一啖都非常甘甜美味！
呢度非常值得一讚係佢嘅所有魚生都非常新鮮，特別係吞拿魚仲食到佢新鮮嘅氨基酸嘅微酸味，真係好難得
最後食埋沖繩海鹽嘅雪糕，真係非常滿足
張貼
