掌壽司 (已結業)

又去觀塘工業大廈覓食,今次又比我符符碌碌食到間有質素嘅日式餐廳。餐廳裝修簡約為主,仲有刺身吧枱可以見到師傅係面前製作。每個午市套餐都會有日式蒸蛋,入面仲有蔥同蟹柳,個蛋蒸得啱啱好,好嫩滑。仲有加左蜆肉同海帶嘅麵豉湯,飲落鮮甜。有7款新鮮刺身,有齊三文魚,帶子,吞拿魚,八爪魚,海膽,油甘魚同牡丹蝦。每款刺身食落夠冰凍,而且亦夠新鮮,特別係海膽夠晒鮮甜完全唔會有腥味,牡丹蝦亦夠大隻同爽口。有足足半條鰻魚係飯上,鰻魚上仲有紫菜同大豆芽作為配菜。鰻魚亦算厚肉肥美,配上甜甜嘅蒲燒汁,越食越開胃。