CHI Tachinomi (屯門市廣場) (已結業)

今朝順利考完試，緊係要同朋友食返餐好既慶祝下啦黎左呢間屯門市廣場既CHI TACHINOMI，食個靚靚滿足日本野做午餐格局都幾好睇，坐得舒服，環境唔錯。午市有定食套餐，叫個主食包野飲同小食。我叫左個鰻魚飯，估唔到鰻魚都幾多，多到差啲睇唔到下面啲飯，而家味道口感亦高質，唔會煮到變到勁淋，反而好彈牙有咬口。下面啲飯亦索晒鰻魚汁，超正！朋友叫左個大阪牛肉，一上枱已經好濃既牛味，牛肉一啲都唔靭，易入口，好食小食叫左玉子燒同雞肉丸。玉子燒好香蛋味，唔會雪到變左好硬一舊磚咁，反而有啲似日本街邊食個啲雞肉丸啲肉好實，一啲都無偷工減料小食我地再另外叫左牛舌同豬腩葡萄卷。香噴噴既豬腩入面包住勁甜既提子，估唔到又幾match幾好食，好正呀！