御藏 (已結業)

今日無住家飯食，經過炮台山見到間日式外賣諗住買外賣返屋企enjoy，入到去都幾驚喜！呢間日式外賣店係我見過最多選擇既一間。熱食，小食同魚生刺身種類都好多，而且價錢又合理，飯餐仲跟湯或飲品。熱食便當都分左4-5款，見天氣開始轉凍放棄首選既魚生飯轉點帆立貝炒飯。等左概5分鐘便當已經準備好，即叫即炒，拎上手熱辣辣。便當份量大大份，而且帆立貝份量多又大粒，基本上每一啖炒飯都食到帆立貝。除左帆立貝粒，加上其他蔬菜一齊炒增添左份蔬菜甜味。炒飯用上珍珠米，米粒唔會過淋，有嚼口粒粒分明。炒飯醬汁用左日式燒汁去炒，令炒飯帶小小甜味感覺似食緊鐵板燒炒飯。