千府·居食屋 (已結業)

最新去左一間日式居酒屋好高質好想分享一下~ 呢間居酒屋雖然店鋪小小，但唔會好逼，而且店員好親切，周不時會同我地閒聊，店入面仲有心願掛牌比客人寫願望上去，播住日文歌，成個感覺都好Chill!餐前會有小食提供! 西班牙提魚配蔬菜條個提魚醬係師傅自己獨門配方,用黎配沙角會有小小甜中帶咸, 好開胃佢D串燒都高質!最令我印象深刻同必食一定係佢嘅 手作免治雞肉軟骨餅!!!平時食開嘅免治雞肉餅都係棒狀, 但呢款係係廚師自家自己刴同調味, 食落特別有咬感，食到啖啖軟骨,口感好豐富店主仲推薦左我地食原條燒花魚一夜干，係佢地嘅Hot Item之一! 呢條魚咸香味特別濃，唔會話好乾之餘，肉質嫩滑。最後就係個千府海之幸卷我第一次食一個口感咁豐富嘅壽司，因為佢入面有海膽，軟殼蟹，吞拿魚蓉，三文魚子同牛油果！每一個食材都好新鮮，味道樣樣分明，唔會cover左是但一個食材嘅味道，好好食。