花居酒屋 (已結業)

約咗朋友去荃灣呢間日式餐廳試試，內裡裝修有日式居酒屋感覺。-▪️黑松露刺身沙律呢個CP值好高！必點！有三款刺身同脆卜卜嘅三文魚籽，加埋特調嘅沙律醬非常開胃！帶子好鮮甜，三文魚色澤唔錯，口感肥美，油甘魚口感細緻甘甜。▪️燒雞泡魚乾雞泡魚乾燒至金黃色，口感香脆，油脂清香。▪️鹽燒黑豚腩肉質腍滑鬆軟，肉味香濃。▪️火灸三文魚腩壽司灸燒過嘅三文魚腩油脂更加突出，非常肥美。▪️軟殼蟹牛油果卷一共有六件卷物，CP值高！ 牛油果熟度剛好，口感好smooth，軟殼蟹炸得非常脆身香口，口感層次豐富！▪️魷魚唐揚炸粉剛剛好，魷魚好有嚼勁又有鮮味！▪️碎葱吞拿魚腩呑拿魚腩油脂香溢，口感幼滑軟綿。▪️蟹肉蟹膏軍艦蟹肉蟹膏份量好多好澎湃，蟹膏甘香口感幼細，蟹肉好鮮美！▪️蒜蓉安格斯西冷扒除左日本野出色，燒西冷扒都好有驚喜！牛扒熟度剛好！加埋炸蒜片，整體滋味提升！-整體食物高質，價錢CP值高，值得再黎！