Steak Bar (已結業)

係中環行完大館，心血來潮想食牛，比我搵到呢間近蘭桂坊嘅日式扒房。裝修好decent，我同朋友都比頂級板腱牛扒($215)吸引咗，因為係每日限定供應，我地一人嗌咗一份，五成熟，成set有牛扒，沙律，豆腐同飯（有飯素)。-個牛扒燒得好靚！火喉控制得好好。板腱係牛肩胛位，所以牛味好濃🐮一切開已見到入面粉嫩的牛肉，都幾易切同有D肉汁溢出~餐廳提供蒜鹽同微甜燒汁呢兩款黎調味，兩款都好夾呢塊咁高質嘅牛扒，我個人比較中意點少少蒜鹽就夠，咁樣可以更加品嚐到牛味。中意食扒嘅朋友一定要去試下。