影片
更多
2024-11-11
411 瀏覽
同細妹出尖沙咀行街，佢話之前同朋友去過鮨一覺得好食新鮮得嚟最好係親民價，所以就帶我上去食個豐富LUNCH。餐廳係日式居酒屋裝潢，有吧枱、四人座位同埋包廂，整體上座位都算闊落，坐得都好舒服。食物選擇都有好多，刺身、丼飯、燒物、日式料理…等等，日本居酒屋有嘅都可以話食得到，係選擇困難症情況下，我決定交俾細妹話事，我就坐定定等食。我地先嚟一個LUNCH SET 五色刺身定食，定食仲包埋麵豉湯、沙律、茶蒸蛋同埋小吃，我地仲將個飯升級轉為赤醋飯添。刺身方面有赤蝦、三文魚、八爪魚、油金魚、帶子，款款都夠晒新鮮，而且刺身厚切，口感非常豐富。之後就嚟一個佢地嘅招牌之一嘅鮨一千層海膽飯，一層層嘅勁多日本海膽加埋拖羅蓉造成一座塔咁，單睇賣相都已經相當吸睛，入口仲更加要讚不絕口，海膽非常新鮮，味道濃郁得嚟仲好嫩滑，加埋肥美嘅拖羅蓉，再用紫菜包著佢地一齊食，真係勁好味，非常後悔只係叫左一份細嘅嚟食呀！秋刀魚刺身就係店員姐姐推薦俾我地嘅，佢話依家係秋刀魚當造季節，期間限定一定要試。真係冇介紹錯，除左賣相好靚之外，師傅嘅刀功真係一絕，薄切得嚟仲要件件差唔多SIZE。當然味道就更加好，超新鮮得嚟仲要一啲腥味都冇。唔
餐廳係日式居酒屋裝潢，有吧枱、四人座位同埋包廂，整體上座位都算闊落，坐得都好舒服。
食物選擇都有好多，刺身、丼飯、燒物、日式料理…等等，日本居酒屋有嘅都可以話食得到，係選擇困難症情況下，我決定交俾細妹話事，我就坐定定等食。
我地先嚟一個LUNCH SET 五色刺身定食，定食仲包埋麵豉湯、沙律、茶蒸蛋同埋小吃，我地仲將個飯升級轉為赤醋飯添。
刺身方面有赤蝦、三文魚、八爪魚、油金魚、帶子，款款都夠晒新鮮，而且刺身厚切，口感非常豐富。
之後就嚟一個佢地嘅招牌之一嘅鮨一千層海膽飯，一層層嘅勁多日本海膽加埋拖羅蓉造成一座塔咁，單睇賣相都已經相當吸睛，入口仲更加要讚不絕口，海膽非常新鮮，味道濃郁得嚟仲好嫩滑，加埋肥美嘅拖羅蓉，再用紫菜包著佢地一齊食，真係勁好味，非常後悔只係叫左一份細嘅嚟食呀！
秋刀魚刺身就係店員姐姐推薦俾我地嘅，佢話依家係秋刀魚當造季節，期間限定一定要試。真係冇介紹錯，除左賣相好靚之外，師傅嘅刀功真係一絕，薄切得嚟仲要件件差唔多SIZE。當然味道就更加好，超新鮮得嚟仲要一啲腥味都冇。唔洗點附設嘅薑蔥醬油都食得到魚香味十足，完全顛覆左我對秋刀魚嘅感覺。
來嚟一份日本安康魚肝，依個「海中肥鵝肝」口感既柔軟又幼滑，完全係有入口即溶感覺，而且仲帶有滿滿油脂香添。
味噌煮牛舌都好好食，佢個味增湯味道適中，厚切嘅牛舌燘得好入味，而質地相當柔軟，一啲都唔靭。
最後就嚟一串自家製嘅免治雞肉串燒，非常嫩滑口感而雞肉質地柔軟，表面微焦，入面都可以保持到JUICY，配埋日本雞蛋醬汁一齊食，令到味覺更加豐富。
張貼
