相馬日式火鍋 (已結業)

今日去咗呢一間西環日式火鍋店食，任食放題好爽，食到飽一飽 ，環境幾乾淨闊落、食物質素唔錯先飲胡椒花膠湯👉🏽不得了個雞湯濃而不膩，飲完一啖又一啖個花膠岩哂女士養顏用，聽完我即刻搶哂黎食😂個花膠湯都係由好有經驗既師傅負責既超好飲👍🏽任食惹味羊腩煲👉🏽最近天氣開始有啲涼，食個羊腩煲溫吓胃，羊腩煲幾足料，羊肉炆得好入味又夠腍👍🏽羊腩煲裡面有好多配料，有炸枝竹、唐芹、花菇、馬蹄蒸海鮮👉🏽先食大虎蝦，蝦肉結實彈牙，蝦頭膏鮮甜，之後係鮑魚，本身自己其實唔係特別愛好鮑魚，覺得無味、而且食親呢側邊通常都係好軟嫩，但咬到去中間個心呢就會韌啦！但呢度嘅鮑魚真係蒸得啱啱好🥰個心咬落一d韌都無！味道清甜，完全改善我一向對鮑魚嘅睇法，至於貴妃蚌，其實都唔算細隻， 味道濃郁鮮美😋串燒👉🏽拼盤有燒魚餅，雞肉，豚肉，牛肉，全部即叫即燒，上枱時都仲係熱辣辣好香，啲串燒好入味😋炸物👉🏽炸蝦既蝦肉彈牙外面脆卜卜，春卷入邊有好多餡料，炸墨丸夠晒彈牙，入邊仲食到一粒粒嘅墨魚肉，好味到不得了👍🏽👍🏽