八坂 (已結業)

琴晚同老公落街散吓步，行到去西營盤郵政局，發現BBQ隔離開咗間新餐廳。見到裝修都幾靚，又幾乾淨企理，仲全院滿座。於是八卦行去睇下有乜嘢食，原來係日式一人一鍋打邊爐，仲見到人哋食海鮮餐，啲海鮮望落好新鮮，仲有一個好精緻放肉嘅層㗎，以為好貴。但原來佢食海鮮二人餐都係六百幾蚊。於是訂枱試吓，我同老公嗰日叫咗個二人海鮮餐，店員都好落力推介。我哋一人叫咗一個湯底，一個係黑芝麻担担湯，一個係牛奶魚湯，果然有驚喜，黑芝麻担坦湯店長話係佢哋自創嘅，食落好香黑芝麻味又有辣辣地嘅担担味。然後那魚湯飲得出真係用魚煲嘅而且同牛奶味好夾。海鮮真係好新鮮，隻鮑魚仲識郁嘅，有龍蝦，龍躉魚，蝦，爆膏嘅蟹，仲有唔知係花甲定係大蜆。嗰餐仲包埋一個層㗎，有食落都幾靚嘅牛肉豬肉同雞肉仲有芝心丸同豆腐丸，仲包埋一疊野菜同烏冬或者日式拉麵。另外叫了個鵝肝多士,不得了！好味到想encore，不過好飽！仲有飯後甜品，我同老公揀咗紫薯奶凍同牛奶奶凍，都幾好食。整體來講，算係西環高質素嘅火鍋。600幾蚊來講算係好抵食極都好值回票價！相信遲啲就會排長龍。