影片
更多
2019-06-18
34 瀏覽
🔍尖沙咀山林道21號永勝商業中心2樓A號舖*「高質日式火鍋」-熊本牛涮鍋.我同郭富城一樣好鐘意打邊爐架哈哈XD。一路食一路忍唔住大叫左幾聲：「好抵食呀！」冇諗過任食呢個價錢竟然會有咁高質素架！日本直送極上A4黑毛和牛套餐 (成人$298，小童$228)叫左個雙拼湯底 (另加$15) ，叫左馬來沙爹風味同埋蘿蔔豚骨濃湯，一個清湯一個濃湯，滿足到同枱唔同口味既朋友。呢個套餐係最頂級個款，所以價錢係可以order埋另外個三款肉類。一場黎到當然要試個最頂級既！首先由最基本既肉開始試，牛肩胛入口比較un，肉質有少少似肥牛，但都唔會話淥完就好鞋口。下一個level就係牛小排，油脂分佈平均，唔會好似肥牛咁一大條肥膏係側邊，已經覺得同牛肩胛比係贏左。到終極大佬極上A4黑毛和牛，OMG真係入口即溶！將片肉係鍋入面拖幾秒就可以放入口，幸福既感覺會浮出黎，完全覺得呢個價錢超值呀！仲要係任食呀！幾大到食到夠本！大力推薦大家要黎試，靜靜雞講：平日夜晚黎食就唔洗同人迫架喇。其它食物例如雞肉同埋蔬菜、丸類等等都係自助形式既。食幾多拎幾多，唔好浪費呀~仲有少少熱食例如雞翼同飯。另一個賣點就係任
*
「高質日式火鍋」-熊本牛涮鍋
.
我同郭富城一樣好鐘意打邊爐架哈哈XD。一路食一路忍唔住大叫左幾聲：「好抵食呀！」冇諗過任食呢個價錢竟然會有咁高質素架！
日本直送極上A4黑毛和牛套餐 (成人$298，小童$228)
叫左個雙拼湯底 (另加$15) ，叫左馬來沙爹風味同埋蘿蔔豚骨濃湯，一個清湯一個濃湯，滿足到同枱唔同口味既朋友。
呢個套餐係最頂級個款，所以價錢係可以order埋另外個三款肉類。一場黎到當然要試個最頂級既！首先由最基本既肉開始試，牛肩胛入口比較un，肉質有少少似肥牛，但都唔會話淥完就好鞋口。下一個level就係牛小排，油脂分佈平均，唔會好似肥牛咁一大條肥膏係側邊，已經覺得同牛肩胛比係贏左。到終極大佬極上A4黑毛和牛，OMG真係入口即溶！將片肉係鍋入面拖幾秒就可以放入口，幸福既感覺會浮出黎，完全覺得呢個價錢超值呀！仲要係任食呀！幾大到食到夠本！大力推薦大家要黎試，靜靜雞講：平日夜晚黎食就唔洗同人迫架喇。
其它食物例如雞肉同埋蔬菜、丸類等等都係自助形式既。食幾多拎幾多，唔好浪費呀~仲有少少熱食例如雞翼同飯。另一個賣點就係任食Häagen-Dazs雪糕，你地話丫，點樣住自己唔拎個銀包出黎先？
食到口渴呀？呢個價錢仲包埋任飲雪櫃入面既飲品。當中最最最驚喜既一定係熊本牛涮鍋自家煲既下火茶，係外面既火鍋店好少見到咁有心準備飲品部份。而且職員仲好友善，有問必答之餘仲態度恭敬，好詳細咁介紹每一款肉。絕對推薦大家黎食，原因好簡單，因為呢個價錢出面一定搵唔到架！！
🍽9/10
張貼
