相馬日式火鍋 (已結業)

朋友話呢間餐廳食物質素唔錯，於是去試吓，呢度牛肉同黑豚肉各有4個套餐提供，我哋揀咗日本鹿兒島頂級黑豚升級套餐，呢個餐提供美國進口牛肉🥩🥩，黑豚肉同雞肉湯底方面，我同朋友都想試多一個款，於是揀咗鴛鴦鍋，分別係豚骨，中華辣湯，侍應會先將三款肉送上枱，黑豚肉得切得薄薄的，的唔怕淥唔熟，牛肉賣相都好靚，食入口，兩款都好 juicy，肉質鮮嫩😍😍另外有各款丸類同蔬菜都係自助形式，種類真係好多，蔬菜都好新鮮，特別鍾意食西洋菜同苦瓜，苦瓜加係中華辣湯嗰邊，吸收左啲湯汁，好滋味👍🏻👍🏻炸物同串燒都係即點即炸，即燒，當中特別喜歡佢嘅炸雞翼好好味，而串燒分別有醬燒，鹽燒同味噌燒三款選擇，以我個人特別推介嘅就係蘆筍腩肉卷鹽燒，腩肉包住條一條條新鮮嘅蘆筍，入口鮮甜，完全唔會覺得肥膩，另外就係薄燒牛舌同雞軟骨串，醬燒好好味😋😋呢個餐係包括飲品同雪糕放題嘅，係甜品方面除咗雪糕之仲有雪條，布甸等等提供，當中嘅紅豆雪條唔錯🥳🥳