鳴橋燒肉料理 (已結業)

朋友好耐之前已經介紹過我食呢間燒肉放題 但一直冇左回事 前排係旺角時 比佢個好日式既燈籠吸引左 就醒起有朋友推介過一於試試啦！佢有得單點或者放題咁食 見佢放題又唔係好貴 就試試啦 重加埋星級 可以試更加多添🤣佢其實有好多種類既食品 燒肉本身已經有好多種 重要有埋刺身熟食 我同朋友都幾驚喜😳我地叫左甜蝦 帶子 三文魚 佢既刺身好新鮮 同好鮮甜 不過要留肚食其他 所以就每樣嗌少少先！熟食好多都唔錯 但我最中意係蕃薯仔 好甜好香 外脆內軟 正！我地都叫左好多款肉試下 佢燒肉個爐同平時日式燒肉唔同 佢唔係用網既 係用鐵板上面鋪左牛油紙 雖然燒點肉個時冇左個網紋 但係就唔怕燒得好焦 熱力分佈好平均 蔬菜同海鮮都容易燒左🤣肉類方面有豬牛雞 啲肉會用唔同既腌製方法 可以跟自己喜好去揀👍我就比較中意揀鹽燒 因為原汁原味啲😎為免太熱氣 我地嗌左涼茶 今日係羅漢果茶 飲落好甘甜 唔係稀釋左或者加好多糖水個種 真材實料👍最後食到好飽 要多個雪米糍同胡麻蛋糕就棒住個肚走了🤰🏻