Peko Peko Eatery (海之戀商場)

營業中

休息中

好耐冇食過高質嘅西餐，琴日同朋友終於可以試到海之戀商場入邊嘅Peko Peko cafe 呢一間餐廳環境超級chill 更提供戶外位置不過有少少可惜嘅，就係我哋訂枱嘅時候唔記得要求坐戶外嘅位講返食乜先，我哋一共叫咗四樣嘢食分別有豬鞍首先呢一樣要讚嘅就係佢嘅擺盤非常之靚同有心思 肉質鮮嫩多汁 調味又恰到好處另外配上三種唔同嘅蔬菜 可以減少油膩感⭐️八爪魚呢道菜式非常之有驚喜因為之前食過嘅八爪魚，都好容易會煮過火而變得好韌 餐廳應該配合左慢煮嘅方式，令到佢整體都好淋身，但又唔會冇咗八爪魚應有口感同鮮美 亦都有配上青口同蜆 仲有沙律菜 令整道菜式嘅平衡做得好好⭐️牛油果蟹肉船非常清新，蟹肉同牛油果中間配上咗爽脆嘅青瓜同埋一款我食唔出嘅食材，原來蟹肉同牛油果係可以咁夾架 ⭐️蘑菇湯簡簡單單嘅蘑菇湯要煮得好味都唔容易 用咖啡杯裝住 睇落又幾似泡沫咖啡⭐️曲奇忌廉沙冰曲奇有曲奇味 忌廉都有忌廉味將佢哋加埋一齊就係超好飲嘅曲奇忌廉沙冰下次再一定要記得坐戶外位 要好好chill 下