家賀屋刺身寿司專門店

朋友生日，當然要慶祝一番我哋揀咗灣仔嘅家賀屋刺身壽司專門店食晚飯餐廳嘅座位闊落，枱同枱之間都有一定嘅距離，適合同朋友傾偈首先，當然要叫番杯啤酒慶祝啦！我哋揀咗蜜桃味嘅冰啤，冰啤甜甜地好易入口，適合女孩子飲😋飲得啤酒，當然要叫返個送酒小食啦！我哋叫咗一份日本唐揚池魚苗，池魚苗炸得十分香脆，所有骨頭都可以食得，而且一啲都唔腥之後我哋叫咗一份特選刺身盛share拖羅就升級做中吞拿魚腩，中吞拿魚腩好厚一塊，油膩十足，十分滿意刺身盛當中有兩片係廚師發辦嘅，今日嘅魚係櫻鰆魚，櫻鰆魚嘅魚皮有微微燒過， 食落有兩個層次，鮮甜&薰香，正👍🏻之後我同朋友一人叫咗一款定食，我揀咗大拖羅魚腩丼，本身以為中拖羅已經好好食，大拖羅係另一個層次，一睇就好肥美，魚油好香，有入口即溶嘅感覺而朋友叫嘅壽司定食亦都好吸引，朋友話海膽壽司十分新鮮甜美，有係日本食嘅感覺，而且赤蝦壽司亦都做得好出色，赤蝦配上膏，令到壽司更加惹味總括嚟講，餐廳食物嘅質素好高，值得比呢個價錢👍🏻