御和亭日本料理

營業中

休息中

御和亭都係另一間我同屋企人好鍾意嘅餐廳！我哋基本上每次去都會嗌差唔多嘅嘢😀😂今次就同大家介紹吓😋🥗和風刺身沙律 $63沙律菜夠Fresh! 刺身有三文魚，油甘魚同埋八爪魚🐙。三文魚粒係平時嘅四倍咁大😳蟹籽都好乾爽！同一般日本餐廳沙律唔同；佢唔係用芝麻醬，而係用好香嘅醋，令成件事更加開胃！😋🐟帶子三文魚丼$102呢個飯雖然望落好簡單，但其實性價比超級高！😍 三文魚片有一隻手指公咁厚！特別鍾意佢個飯🍚加咗啲(應該) 煎香過嘅芝麻，即刻提升咗另一個層次！🍲一休豚肉鍋$88豚肉鍋湯底非常清甜，用大量娃娃菜同豚肉薄片熬成。豚肉片唔會太肥膩，加埋粉絲 蘿蔔 豆腐等，係暖心又營養均衡嘅一道菜。