影片
更多
2021-04-15
122 瀏覽
天后食肆林立，每次嚟呢頭都選擇困難症病發。今日一揀再揀，就揀咗呢間裝修和風滿滿嘅居酒屋試吓，6點幾嚟到已經差唔多坐滿，始乎好高人氣喎！入座之後店員好細心去介紹店內嘅菜式，於是有啲係跟佢嘅推介，另外再加啲自己想食嘅。【松葉蟹鉗配三文魚籽醬】我同老婆一人揀一個沙律，老婆揀咗呢款係「季節限定」嘅，佢唔鍾意食蟹柳，只食真腳肉，呢款沙律就啱晒佢！松葉蟹鉗鮮甜，三文魚籽醬啲魚籽粉粉飽滿，呢個配搭都幾新鮮好食！【照燒雞扒柚子沙律】我就揀咗個比較飽肚嘅，雞扒大大塊，照燒汁好惹味。柚子醋配沙律菜好清新！【日本產A4吉列和牛三文治（120g） 】店員推介嘅招牌菜，其實喺門口見到宣傳海報已經被吸引住，和牛加海膽加魚子醬呢個配搭真係好奢華、好吸引！上到枱個賣相超級IGable，我影咗超多相，哈哈！麵包烤到脆卜卜，吉列和牛外脆內嫩，牛味濃郁又唔韌，無論係配海膽或魚子醬都好夾！因為包夠脆、牛唔韌，所以即使好厚都可以一口咬開，唔駛分層食咁麻煩，一啖入面有齊多種滋味，おいしいね！！【串燒】嚟居酒屋，其中最期待嘅係串燒，可以食好款唔同嘅食材，每款食少少咁。今次揀咗以下六款：雞肉博多冬菇 ー燒冬菇個陣味聞落好香，釀咗雞肉
【松葉蟹鉗配三文魚籽醬】
我同老婆一人揀一個沙律，老婆揀咗呢款係「季節限定」嘅，佢唔鍾意食蟹柳，只食真腳肉，呢款沙律就啱晒佢！松葉蟹鉗鮮甜，三文魚籽醬啲魚籽粉粉飽滿，呢個配搭都幾新鮮好食！
【照燒雞扒柚子沙律】
我就揀咗個比較飽肚嘅，雞扒大大塊，照燒汁好惹味。柚子醋配沙律菜好清新！
【日本產A4吉列和牛三文治（120g） 】
店員推介嘅招牌菜，其實喺門口見到宣傳海報已經被吸引住，和牛加海膽加魚子醬呢個配搭真係好奢華、好吸引！上到枱個賣相超級IGable，我影咗超多相，哈哈！麵包烤到脆卜卜，吉列和牛外脆內嫩，牛味濃郁又唔韌，無論係配海膽或魚子醬都好夾！因為包夠脆、牛唔韌，所以即使好厚都可以一口咬開，唔駛分層食咁麻煩，一啖入面有齊多種滋味，おいしいね！！
【串燒】
嚟居酒屋，其中最期待嘅係串燒，可以食好款唔同嘅食材，每款食少少咁。今次揀咗以下六款：
雞肉博多冬菇 ー燒冬菇個陣味聞落好香，釀咗雞肉令成件事豐富咗。
黑豚荔枝卷 ー 呢個配搭幾特別喎！黑豚肉燒到微焦好香口，有啲似煙肉咁，而夾喺中間嘅荔枝肉啲甜味、同埋加埋啲辣椒粉就平衡返豬肉嘅油膩感。
脆燒豆腐 ー 燒到外層好脆口嘅豆腐，加埋啲木魚片同醬汁好食！
銀杏 ー 微甘唔苦，係靚嘅銀杏，火候都啱啱好，外脆入面仲有水份。
免治雞肉棒 ー 上面有燒到焦香嘅芝士，加埋個生蛋同啲醬汁好好食呀！
白鱔 ー 呢個超好食呀！白鱔厚身肥美，魚皮燒到脆卜卜，再加埋啲辣椒粉，口感同味道都好高分！
【飲品】
揀咗兩杯都係好可愛嘅飲品，上次放咗隻用烏龍茶做嘅冰熊，佢好似係度浸浴咁，你可以嘗試食埋佢嘅，哈哈！老婆就飲「芒果多多熊冰（含酒精） 」，入面加咗燒酒，但酒味唔會太重，女仔都啱飲！我就揀冇咁甜嘅「蜜桃烏龍熊茶」，真係唔會好甜喎，淡淡嘅蜜桃香味配烏龍茶好清新！
最後要講吓啲日本餐具真係好精緻，多款唔同嘅碗碟，淨係計影相都加晒分！至於食物方面，食材好高質、亦好新鮮！製作都睇得出好用心，基本上同Menu啲相係好接近，唔會「相片與實物不乎」，值得讚！
松葉蟹鉗配三文魚籽醬
$138
7 瀏覽
0 讚好
0 留言
松葉蟹鉗配三文魚籽醬
$138
2 瀏覽
0 讚好
0 留言
照燒雞扒柚子沙律
$98
3 瀏覽
0 讚好
0 留言
芒果多多熊冰（含酒精）
$68
3 瀏覽
0 讚好
0 留言
蜜桃烏龍熊茶
$58
7 瀏覽
0 讚好
0 留言
日本產A4吉列和牛三文治（120g）
$338
5 瀏覽
0 讚好
0 留言
串燒 ー 雞肉博多冬菇、黑豚荔枝卷、脆燒豆腐、銀杏
5 瀏覽
0 讚好
0 留言
免治雞肉棒（串燒）
$58
5 瀏覽
0 讚好
0 留言
白鱔（串燒）
$68
11 瀏覽
0 讚好
0 留言
張貼
