影片
更多
2019-12-08
142 瀏覽
平日好少專登走去book檯食飯，不過有幾個朋友食過都話好食，今次就book定lunch time同朋友上黎試下！Lunch menu既選擇都幾多，有成十幾款，第一次上黎都好難揀。研究完一大輪，我地兩個人揀左個壽司手卷set，同埋朋友之前推介既海膽龍蝦丼。落完單好快上沙律同茶碗蒸，雖然係跟餐但一啲都唔馬虎，食完前菜已經覺得唔錯。另外因為我地坐吧檯，一路食又可以睇住師傅幫我地預備食物，好似覺得樣樣都好新鮮咁。落單果時講左同朋友share食，師傅問過我地之後決定幫我地將壽司手卷set砌好切好一碟上，等我地可以自己揀食邊樣，安排好細心，上果陣都逐樣介紹番啲魚，不過我食食下已經唔記得哂😂！食左兩件之後落單個姐姐過黎同我地講叫我地睇下師傅，而家整緊我地個海膽龍蝦丼，佢話睇住隻龍蝦啱啱仲係游緊水，而家就整緊俾我地，諗到都覺得正。一黎到真係不得了，平時唔係點影食物既我都即刻相機食先。首先佢擺盤真心靚，龍蝦大隻多肉，海膽份量多，仲要幫你拆埋龍蝦膏！一食就覺得朋友完全無介紹錯，真係好新鮮好好食！我估呢款算係佢地招牌菜。其實個壽司set都好好食，帶子同海膽都好新鮮，連個配菜酸薑都好好食！不過因為朋友係壽司控
Lunch menu既選擇都幾多，有成十幾款，第一次上黎都好難揀。研究完一大輪，我地兩個人揀左個壽司手卷set，同埋朋友之前推介既海膽龍蝦丼。
落完單好快上沙律同茶碗蒸，雖然係跟餐但一啲都唔馬虎，食完前菜已經覺得唔錯。另外因為我地坐吧檯，一路食又可以睇住師傅幫我地預備食物，好似覺得樣樣都好新鮮咁。
落單果時講左同朋友share食，師傅問過我地之後決定幫我地將壽司手卷set砌好切好一碟上，等我地可以自己揀食邊樣，安排好細心，上果陣都逐樣介紹番啲魚，不過我食食下已經唔記得哂😂！
食左兩件之後落單個姐姐過黎同我地講叫我地睇下師傅，而家整緊我地個海膽龍蝦丼，佢話睇住隻龍蝦啱啱仲係游緊水，而家就整緊俾我地，諗到都覺得正。一黎到真係不得了，平時唔係點影食物既我都即刻相機食先。首先佢擺盤真心靚，龍蝦大隻多肉，海膽份量多，仲要幫你拆埋龍蝦膏！一食就覺得朋友完全無介紹錯，真係好新鮮好好食！我估呢款算係佢地招牌菜。
其實個壽司set都好好食，帶子同海膽都好新鮮，連個配菜酸薑都好好食！不過因為朋友係壽司控而且咩魚都食，食哂佢啲酸薑之後，我最後係留番啲壽司俾佢然後focus番個海膽龍蝦丼😂
個lunch set仲有包麵豉湯同甜品，我揀左豆腐雪糕，食完落單個姐姐仲問我地飽唔飽，我想講飽到唔想郁 😂
成間餐廳由入去到走都覺得好有心做，員工有禮貌，食物新鮮有質素。當日上去係1點，算多人但又唔嘈，環境整體都幾好。朋友成日食日本嘢都覺得唔錯，有機會一定再黎試其他嘢！
張貼
