大阪日本料理 (已結業)

自從日本禁咗海產之後，食刺身嘅次數明顯少左，今次終於可以同老婆嚟到呢一間有水準又有質素嘅餐廳食返夠本！先嚟一份極上刺身盛，足足有九款唔同嘅刺身，師傅亦都係因應當日嘅時令去安排，欣賞師傅嘅刀工毫不吝嗇，款款鮮甜。另外亦都叫咗一份玉子壽司，玉子唔會整得太甜，咬落有濕度！🍣另外呢一間餐廳亦都主打鐵板燒，所以分別叫咗鐵板鮑魚同鐵板炒拉麵，廚師即叫即燒，食落非常有鑊氣，鮑魚已經預先切好，食落去黑松露味都幾香，拉麵油分充沛，一啖啜落去都幾滿足！炸物方面 叫咗一份餃子同吉列炸蠔，全部都唔會燒得太過火，餃子🥟 卜卜脆，比較健康啲嘅你哋，亦都有一系列嘅串燒蔬菜選擇啊！