鮨川 (已結業)

今晚為左慶祝升職，約左女朋友食期待已久的OMAKASE,高級的日本料理。我哋嚟到銅鑼灣呢間叫鮨川的餐廳，系位於一棟商業大廈里，裝修好高級好有日本風格。餐廳地方唔系太大，中間係一個壽司吧旁邊有沙發位。酒櫃里有好多高級日本酒。我地揀咗$1080既雲KUMO套餐，包括前菜，壽司，吸物同果物。前菜首先登場，店員交待我們先食海膽，順著方向品嘗，店員態度非常好，好認真介紹。海膽鮮味十足，充滿海水咁，令人回味無窮，海膽下面有腐皮。接著係鴨胸，鴨胸肉質鮮嫩，芝士燒好香。之後系十二款壽司，以每碟三款呈上，擺盤吸引人目光！各種魚類刺身好新鮮，最令人回味的是海膽壽司，用脆脆紫菜包著，好match !接下來系海鰻天婦羅，口感香酥，非常有特色，外脆內軟，好正！飲一碗鮑魚湯，暖暖胃，好舒服。飯後店員送上北海道蜜瓜一塊，非常高質！真系入口即溶！好甜蜜！