和処 酒肴 (已結業)

好耐之前食過一餐日式廚師發板，至此念念不忘。因為廚師係會睇當天有乜嘢合時令及最新鮮嘅食材，而安排當日嘅晚餐，呢種由廚師專登為你而設計的晚餐，會令人感到好享受。今日同老公出去拍拖食飯，去咗朋友介紹嘅一間位於尖沙咀漆咸道小巷的日本料理店，—和処酒肴。小店位於小巷，而且好隱閉，唔係開着Google Map分分鐘搵唔到。我哋叫咗一個屬於中等價格的11月份的set 潮（USHIO)$880真係豐富到不得了！季節限定前菜拼盤有成八九款小食，每款份量少少，但相當精緻。最鍾意佢個串串三兄弟中嘅雞卷。三款刺身獅魚、吞拿、左口新鮮肥美！熟食日式料理兩款煎馬交魚、炸豬卷清燉海鮮八款廚師發板壽司黑立、仿佛魚、油甘魚 、金目魚、馬交魚配炸蒜香芝麻醬、天使蝦、吞拿、海膽拼三文魚子廚師逐件逐件精心為你炮製，每件配上不同醬料及配料，最喜歡馬交魚配炸蒜香芝麻、香香辣辣！火炙燒熟蝦燒得剛剛好，蝦頭啲膏仲有啲生生地，好甘香。食完已經飽到捧著個肚，但飲返碗熱騰騰嘅味增湯又好舒服喎！由於已經太太飽了！甜品便變得沒那麼吸引了！