柏 (已結業)

呢幾日天氣持續升溫，冇咩胃口食熱嘢，呢個時候食日本嘢絕對係最好嘅選擇🥹今次約咗朋友嚟依間位於尖沙咀嘅居酒屋，我最鍾意就係佢哋以竹簾相間嘅卡位，有日本feel之餘又坐得舒服，好啱嚟小酎一番😳• 鮫鰈薄切 $168店員推介我哋試試當日嘅時令魚。鮫鰈亦即係右口魚，薄切得嚟又保留一定厚度，口感帶爽，蘸上酸汁非常清爽開胃😌！• 室津蠔 $88/隻室津蠔蠔殼比較細，不過蠔肉都算豐滿。餘韻清甜蠔味持久，海水味唔會太重😚• 汁煮花螺 $88花螺一客六隻，以醬汁煮至入味，對於甜甜嘅醬汁確實我無法抗拒😂• 柏特盛丼 $380午餐限定、誠意十足嘅海鮮丼，內裡蘊含十五款魚料！目測有海膽、大拖羅、磯煮鮑魚、牡丹蝦、三文魚籽、赤身、八爪魚、平貝等食材超豐富，亦睇得出師傅用心堆疊擺盤！海膽甜美creamy，鮑魚彈牙入味，牡丹蝦質感軟糯，用料新鮮有omakase嘅質素！隨定食附有沙律及茶碗蒸✨• 串燒六點定食 $138包括免治雞肉、牛舌、手羽先、雞頸肉、紅椒及翠玉瓜六款串燒。平時最怕牛舌咬極唔斷，呢度嘅牛舌厚身而不失軟嫩爽彈嘅口感，牛味非常之香，好有驚喜！另外亦有日本串燒中必食嘅免治雞肉棒，味道亦很出色，私心希望可以