夢の丼 (已結業)

今日同朋友慶祝生日，嚟咗依間餐廳食日菜。本身以為佢只係普通野點知又好高質，性價比好高。首先每人有個沙律同麵鼓湯。個麵鼓湯竟然有幾粒蜆肉，有d意外。蟹黃醬蟹膏豆腐超！好！食！個人覺得係其中一個best dish of tonight. 個豆腐好軟滑，蟹膏醬個味道好濃，感覺好似係注入咗落豆腐入面咁，味道濃郁，入口有化開嘅感覺。塔斯曼尼亞生蠔、深海池魚兩款刺身都好新鮮，其中生蠔好肥美，海水味唔係好濃丼飯方面，我地點咗個夢之丼同花錦魚生丼超多魚生，足料！有三文魚蓉、三文魚子、帆立貝、牡丹蝦、海膽、松葉蟹、右口魚邊。其中嘅帆立貝超大粒，而且非常鮮甜。右口魚都幾好食，用咗炙燒方法整，入口即溶。仲配埋橙汁用嚟掃魚生，都幾特別。另外好欣賞佢個壽司飯係用咗赤醋飯，食落仲有d紫蘇葉味，好有心思。朋友點嘅花錦魚生丼。雖然睇落冇幅圖咁d魚生疊到咁高，但份量都多嘅，主要以角切魚生為主，一個女仔食有d吃力。右口魚邊壽司魚生飯用咗赤醋，炙燒右口魚邊好滑同香口，上面落咗d木魚碎，幾好食。柔煮鮑魚本身以為佢點都會硬硬地，但佢整到好軟熟。點埋個綠色嘅鮑魚肝醬，有少少芝士味。整體唔錯，朋友食得開心。