KAKU (已結業)

朋友介紹一間喺土瓜灣嘅日西fusion菜，餐廳請左前米芝蓮法國廚師師團隊，今晚特登去試吓。環境好寬敞，座位係綠色嘅sofa/凳，坐落去好舒服。是日餐湯&麵包椰菜花湯順滑濃郁，感覺好健康，意大利芝士麵包微烤先上枱，入口軟綿綿，紫菜牛油質感軟滑細緻。金槍魚紅蝦他他西米脆脆呈鮮粉紅色，賣相已經令人食慾大增，金槍魚同埋紅蝦粒鮮味十足，配埋西米脆脆一齊食，層次感豐富。松露牛油牛肝菌雞肉卷雞肉卷外皮香脆之餘雞肉保持鮮嫩多汁，伴碟仲有矜貴黑松露片，加埋牛肝菌蓉、cep cream調味，令菜式味道昇華。特盛海鮮釜飯釜飯用嘅煲仔保溫，食到最尾都會食到熱辣辣嘅飯，特地用上日本米，口感特別煙韌軟糯，飯上面海鮮非常豐富，有鮮味既海膽，大大隻兼爽口既蝦，大大粒三文魚籽，嫩脆既魷魚，份量足。紅絲絨蛋糕鮮艷嘅顏色非常吸引，入口絲滑輕盈，仲有濃郁嘅忌廉芝士味。