Go Dutch Cafe

營業中

休息中

搵左旺角一間評價唔錯餐廳同朋友仔傾計聚舊，位於登打士廣場10樓，餐廳氣氛同其他樓層好唔同，裝修比一般樓上餐廳用心，座位舒適氣氛唔錯。餐牌有三個，食物種類多，特別嘅有班尼迪、串燒、窩夫、漢堡等等。特濃龍蝦汁海鮮意粉 — 海鮮包括蜆肉、蝦、青口，青口大大隻好肉地，蝦好彈牙，蜆肉好鮮味！我好欣賞龍蝦汁！非常香濃，比較幼嘅意粉好掛龍蝦汁，和味無窮！香草忌廉煙三文魚意粉—忌廉汁好濃厚，好香香草味，厚厚嘅煙三文魚砌成玫瑰花，影相又好睇又好食。雜錦串燒—有兩串豬一串牛。牛係牛柳粒，豬係豬頸肉，非常美味，一啲都唔鞋！配搭左孜然粉同辣椒粉，串燒間住洋蔥、紅椒、青椒，清甜解油膩。