活一鮮 (已結業)

同女朋友喺酒店慶祝週年紀念，咁啱活一鮮就係附近，一於就響酒店食一餐日式大餐💛買刺身外賣 就在保持到水準 ，因為唔怕食物凍咗唔好食， 同時天氣又凍又唔驚變壞 。我哋食咗一個活一鮮丼 ，一個蟹腳蟹膏魚生飯， 當中 蟹腳蟹膏魚生飯 性價比真係好高 ，入面有三文魚吞拿魚腩蓉 油甘魚 北寄貝 蟹子 當然仲有主角 蟹膏蟹鉗。 雖然蟹鉗好細隻，但起碼有鮮味， 蟹膏都係罐頭， 但係撈埋落去白飯一齊食 依然十分滿足！ 活一鮮丼 雖然冇蟹膏蟹鉗但就多咗帶子甜蝦海膽， 當然亦都會貴少少啦！ 另外追加咗海膽帶子蟹柳， 有六隻鮮甜嘅帶子 同埋海膽喺上面， 都係性價比十分吸引嘅一個💛 如果喺北角都酒店 staycation 記住試下買刺身返去食, 渡過美滿嘅晚上！