SO! BangKok Thai Eatery & Desserts (裝修中)

呢日見到元朗Yoho開咗一間好有特色嘅泰國餐廳，可以選擇坐室外或者室內，燈光微微暗，非常有情調🥰馬薩曼和牛面額肉醬寬條麵，顏色非常鮮艷，每條麵條都沾滿肉醬，味道濃郁，牛面額肉份量非常多，好足料😋泰婆婆秘製海南雞飯，雞肉非常嫩滑，而且無骨啖啖肉，海南雞味豐富，仲有一個醬汁好惹味😝飯粒粒分明，軟硬適中🥰泰式哭泣老虎燒安格斯牛柳，一上枱就見到每塊牛柳嘅顏色燒得好靚，一咬入口已經感受到牛柳嘅肉香，加上炭烤味十足，配上泰式醬汁，味道好夾😚焦糖布丁配自家製椰子意大利雪糕，布丁Q彈，一上枱震吓震吓🤣蛋香味濃，椰子雪糕大大球，連埋布丁一齊食，食到停唔到😍