影片
更多
2022-10-31
313 瀏覽
高質有誠意CP最高蝦膏超香燒蝦任食海鮮放題呢間餐廳令到好耐無寫食評既我都要開返個post 讚一讚。以烤蝦為主題既佢地係呢方面做得好好👍🏽蝦缸水好乾淨清澈，蝦好新鮮，蝦好肥美，啲蝦膏無吹水，真心正，味道好似大閘蟹。我地食午市，埋單加一每人$328，晚市會送大閘蟹。游得慢死下死下個啲員工都好快夾走，加蝦亦加得好快，所以係缸啲蝦好新鮮活潑，而且蝦虹好足夠，係座位旁邊已經有。亦都要讚下啲爐呀，係我食過幾間同類型舖頭最夠火力既，啲野食熟得好快，又有兩層放到好多蝦，而且如果大枱，佢會因應人數多少俾多啲爐佢地，一定食得飽，可以狂燒。佢地既自家製醬料都好出色，點蝦點海鮮有泰式青醬，味道好正，好泰國🇹🇭。焗蠔 扇貝個啲 有個調左味既蒜蓉都好正，我用黎烤佢個串豆卜，再加晒佢枱面個三樽粉超級好味。任食方面我覺得芝士粟米粒要試，粟米粒、芝士同牛油係任攞，仲要係拉絲芝士，真係超級正。佢哋啲蠔係新鮮即開殼個啲，黃花魚眼睛係亮晴晴好新鮮，每樣食材都處理得好乾淨，店內環境好乾淨無腥味，所有食品都放得好整齊。舖頭唔算好大，但食材種類都算多。飲品有啤酒，茶汽水果汁，仲可以攞個茶壺自己沖花茶，都幾特別。有啲甜品仔，我地無試
呢間餐廳令到好耐無寫食評既我都要開返個post 讚一讚。
以烤蝦為主題既佢地係呢方面做得好好👍🏽
蝦缸水好乾淨清澈，蝦好新鮮，蝦好肥美，啲蝦膏無吹水，真心正，味道好似大閘蟹。
我地食午市，埋單加一每人$328，晚市會送大閘蟹。
游得慢死下死下個啲員工都好快夾走，加蝦亦加得好快，所以係缸啲蝦好新鮮活潑，而且蝦虹好足夠，係座位旁邊已經有。
亦都要讚下啲爐呀，係我食過幾間同類型舖頭最夠火力既，啲野食熟得好快，又有兩層放到好多蝦，而且如果大枱，佢會因應人數多少俾多啲爐佢地，一定食得飽，可以狂燒。
佢地既自家製醬料都好出色，點蝦點海鮮有泰式青醬，味道好正，好泰國🇹🇭。
焗蠔 扇貝個啲 有個調左味既蒜蓉都好正，我用黎烤佢個串豆卜，再加晒佢枱面個三樽粉超級好味。
任食方面我覺得芝士粟米粒要試，粟米粒、芝士同牛油係任攞，仲要係拉絲芝士，真係超級正。
佢哋啲蠔係新鮮即開殼個啲，黃花魚眼睛係亮晴晴好新鮮，每樣食材都處理得好乾淨，店內環境好乾淨無腥味，所有食品都放得好整齊。
舖頭唔算好大，但食材種類都算多。
飲品有啤酒，茶汽水果汁，仲可以攞個茶壺自己沖花茶，都幾特別。
有啲甜品仔，我地無試，食左個榴連同香芋雪條好好食😋
肉類方面都好多選擇，但我地主打狂食蝦，無食佢啲肉，眼見都唔錯，羊架都好靚好似好高質咁。
有個位俾你裝冰裝水，啲冰好乾淨咁樣，裝水位好大，可以郎下個桶。
啲蝦夾實放落冰桶度，大約二十秒左右佢就會暈左，夾實佢等佢掙扎完佢就唔會再郁，唔係佢會發啲水出黎，浸完放上去烤都唔會彈彈下。
我地勁鍾意食熟食區個度既細細粒炸香芋丸同豆沙丸，唔知邊度有得買呢。
另外，我都睇左食評先去食，通常都睇下負評先既，見佢應該有睇返人地俾佢既評價，啲唔好既地方都改善左，希望大家試個時都食到我食既呢個質素。
我去當日係星期日，但可能無乜人知，舖頭坐唔滿人，但因為咁樣，食得好舒服，又唔迫，可以慢慢簡慢慢夾，可以食2.5小時，食得好開心滿足，同埋重點真係火力夠燒得好快，蝦又靚，啲膏好似大閘蟹啲膏咁香。
正！有誠意！推介！
但真係太少人食，希望大家都試下，真心唔想呢啲誠意小店捱唔住。
張貼
