影片
更多
2023-05-28
45 瀏覽
Weekend想唞吓鋸個扒，或者大時大節想慶祝吓，都可以試吓呢間樓上西餐廳！餐廳環境比較昏暗，用咗淡黃色嘅玻璃，室內光線有啲黃昏嘅感覺，好有情調，座位都闊落坐得舒服！佢有lunch set提供，包咗餐湯/沙律、主菜，仲可以用優惠價加購佢嘅小食同甜品，幾抵食！------------------------------🐠◖香煎盲鰽魚柳配鮮蝦．蕃茄忌廉汁◗ $168盲曹魚柳外皮煎得香脆，唔腥有啲鹹香，同佢酸酸甜甜嘅蕃茄忌廉汁一齊食，幾開胃！有啲烤雜菜同薯蓉伴碟，薯蓉好綿密，打到一啲顆粒感都冇！🥩◖香煎澳洲10oz肉眼扒配韓式燒肉汁◗ $198叫咗五成熟，但上碟嘅時候已經差唔多熟晒～牛扒鎖汁鎖得幾好，切開佢好多肉汁，食落好Juicy，肉質唔柴而且容易咬，點埋伴碟甜甜地嘅燒肉汁，或者可以點佢嘅蒜鹽，更加帶出肉嘅香味！佢仲有啲海苔薯條同埋沙律，薯條唔會好鹹淡淡地，面頭嘅海苔粉好香，食到佢嘅原味道！🐂◖吉列牛肉薯餅◗ +$38炸皮薄薄地，幾酥脆，裏面嘅餡料好軟綿，整體食落甜甜地，可以點佢嘅蜜糖芥末醬，甜甜地又大啲芥末嘅清香，但牛肉嘅味道就唔太出，比較似食緊軟綿綿嘅薯餅～🍰◖精選蛋糕◗ +$
------------------------------
🐠◖香煎盲鰽魚柳配鮮蝦．蕃茄忌廉汁◗ $168
盲曹魚柳外皮煎得香脆，唔腥有啲鹹香，同佢酸酸甜甜嘅蕃茄忌廉汁一齊食，幾開胃！有啲烤雜菜同薯蓉伴碟，薯蓉好綿密，打到一啲顆粒感都冇！
🥩◖香煎澳洲10oz肉眼扒配韓式燒肉汁◗ $198
叫咗五成熟，但上碟嘅時候已經差唔多熟晒～牛扒鎖汁鎖得幾好，切開佢好多肉汁，食落好Juicy，肉質唔柴而且容易咬，點埋伴碟甜甜地嘅燒肉汁，或者可以點佢嘅蒜鹽，更加帶出肉嘅香味！佢仲有啲海苔薯條同埋沙律，薯條唔會好鹹淡淡地，面頭嘅海苔粉好香，食到佢嘅原味道！
🐂◖吉列牛肉薯餅◗ +$38
炸皮薄薄地，幾酥脆，裏面嘅餡料好軟綿，整體食落甜甜地，可以點佢嘅蜜糖芥末醬，甜甜地又大啲芥末嘅清香，但牛肉嘅味道就唔太出，比較似食緊軟綿綿嘅薯餅～
🍰◖精選蛋糕◗ +$28
今日嘅精選蛋糕係芝士蛋糕，蛋糕質感實淨，凍冰冰有啲似食緊雪糕，口感好滑，可以點埋佢酸酸甜甜嘅紅莓醬，或者同埋奶香味十足嘅忌廉，味道更有層次！
🫕◖精選餐湯◗ 跟餐
是日餐湯係紅菜頭湯，紅菜頭天然嘅甜味，好清新又清甜～
🥗◖雜菜沙律◗ 跟餐
雜菜沙律同埋車厘茄，加上黑醋，味道偏酸，好開胃！
🧊◖抹茶◗ 跟餐
🧊◖焙茶◗ 跟餐
🌟 Encore指數：8.5/10
張貼
