壺

營業中

休息中

之前喺灣仔經過見過呢間茶飲店，覺得幾有特色，不過一直都未試，佢而家喺中環basehall嗰度都開咗分店啦，黎basehall食完嘢之後當然要飲返杯嘢飲啦🧋 呢間茶飲店所有啲材料都係由台灣直送，真材實料，所以質素可以保證一定係好嘅 💯 佢啲產品全部都係由在港台灣師傅研發，所以款式都比較特別，全部都好想試吓😊 仲有比較特別嘅係佢係全港首間用果凍做主題嘅茶飲店，果凍除咗增加咗口感之外，仲可以令份賣相加分添 💯 黑芝麻凍撞奶🧋超推介呢個鮮奶系列嘅飲品❗️黑芝麻味非常之豐富，同埋好鍾意佢嘅撞奶嘅口感，平時比較少呢款飲品，如果你嚟到嘅話一定要試吓，包你一定鍾意🤭鐵觀音奶茶配茉莉綠茶凍 🍹鐵觀音奶茶係我自己最鍾意嘅奶茶口味，見呢間茶飲店係首創果凍，我當然都要加果凍試吓啦，佢有好多味揀，有茉莉綠茶、桃花紅茶、杏仁同埋豆漿凍，全部都好吸引😋 我就揀咗茉莉綠茶，果凍好有口感，亦都唔會太甜，如果鍾意層次豐富啲嘅都可以試吓🥰