影片
更多
2018-09-12
153 瀏覽
酒店餐廳一向比人感覺貴貴貴，但食物質素卻一般般。今日黎到朋友介紹既呢間Moreish and Malt打破左我對酒店餐廳既一貫睇法。甫入餐廳已經被餐廳既格調同氣派吸引，門口是Bartender的私家重地，擺滿了滿滿的酒同糖漿。餐廳內有梳化凳同木凳選擇，我地揀左向住街景的木凳位，非常有情調。原來每個星期一同二都係steak night，可以試到四款唔同既扒，我地揀左美國肉眼扒連Set（$258），呢個位置同環境食扒，價錢都算相當合宜。未黎主菜前，先送黎紅莓餐包，呢款餐包鬆軟得黎帶有紅莓口感，蘸埋黑醋同欖油更開胃。然後係今晚既餐湯，係鮮蕃茄湯，飲得出唔係味精湯，食到粒粒鮮茄口感，酸酸地都係好開胃。主菜:美國肉眼扒300g我地點左7成熟，怕生。但食落一d都唔生又唔會煎到硬同乾身哂，煎得剛剛好。食落仲好有牛脂香味，肉質嫩滑。薯條本是配菜，但亦整得非常出色，連薯皮處理，外脆內軟，又不會太咸，最後吃光光（肥死了）除左扒，再叫多一份主菜：香煎帶子忌廉意大利飯～呢個意大利很值得推薦，飯上鋪了兩顆鮮甜的鮮帶子，煎得香口。全個飯也用了忌廉和芝士整作，每啖也十分creamy，得令人不斷想再吃多口。帶子上又鋪
甫入餐廳已經被餐廳既格調同氣派吸引，門口是Bartender的私家重地，擺滿了滿滿的酒同糖漿。餐廳內有梳化凳同木凳選擇，我地揀左向住街景的木凳位，非常有情調。
原來每個星期一同二都係steak night，可以試到四款唔同既扒，我地揀左美國肉眼扒連Set（$258），呢個位置同環境食扒，價錢都算相當合宜。
未黎主菜前，先送黎紅莓餐包，呢款餐包鬆軟得黎帶有紅莓口感，蘸埋黑醋同欖油更開胃。
然後係今晚既餐湯，係鮮蕃茄湯，飲得出唔係味精湯，食到粒粒鮮茄口感，酸酸地都係好開胃。
主菜:美國肉眼扒300g
我地點左7成熟，怕生。但食落一d都唔生又唔會煎到硬同乾身哂，煎得剛剛好。食落仲好有牛脂香味，肉質嫩滑。薯條本是配菜，但亦整得非常出色，連薯皮處理，外脆內軟，又不會太咸，最後吃光光（肥死了）
除左扒，再叫多一份主菜：香煎帶子忌廉意大利飯～
呢個意大利很值得推薦，飯上鋪了兩顆鮮甜的鮮帶子，煎得香口。全個飯也用了忌廉和芝士整作，每啖也十分creamy，得令人不斷想再吃多口。帶子上又鋪了芝士脆片，加強飯的味道，飯中的什菌也令飯吃落不覺得滯。
除了主食，這裡的飲品甜品也令人回味。
這杯Arctic Peach 甜酸平衡做得很好，菠蘿、水蜜桃同檸檬十分夾 ，飲落仲有桃肉的口感！
甜品是雲尼拿雪糕
起初以為沒有什麼特別，但想不到甜品也是用心製作。雲尼拿雪糕十分濃郁，香濃奶味及雲尼拿味，還有粒粒雲尼拿籽。上面鋪上朱古力，下層是脆口的餅乾，有不同層次，很好吃！
張貼
