影片
更多
2021-11-03
58 瀏覽
🐟特上刺身盛拼盤7點盛 $680 七款刺身包括：間八（2米以上嘅鰤魚）、大拖羅、鯛魚、深海池魚、和牛、牡丹蝦、赤貝。每款各有兩片擺盤有心思，用咗蘿蔔苗同埋食用細細的紫花，當然仲有紫蘇葉啦！大拖羅魚香超正，油脂勁重！香口。食完大拖羅可以食少少蘿蔔苗清一清味覺，先再試下一款🥰另外三款魚各有特色，爽口同淋身都有，每款魚都配左唔同嘅調味(例如柚子胡椒，辣蘿蔔碎) 更加帶出到刺身嘅鮮味。牡丹蝦口感黏稠彈牙，赤貝爽口鮮甜。🍢炭火燒拼盛6串 $180燒得香噴噴，有免治雞肉棒、雞翼、秋葵、豚大蔥、雞肉同埋鵪鶉蛋。燒得啱啱好，唔會太過乾身，調味亦都恰到好處，惹味得來唔會太過重味。🐚肉厚活3年帆立貝 $138視覺效果一流，送上枱仲係燒緊，帆立貝肉非常之厚身，入口仲係爽口彈牙。🥚明太子煎蛋卷 $78明太子鹹香得來但有少少辣，配嫩滑嘅玉子，開胃👍🏻🦪海膽汁燒蠔 $118用鐵板上，上枱熱辣辣。炸到脆口嘅蠔配咸香惹味嘅海膽醬汁。🍝雞湯卡邦尼拌烏冬 $88將雞蛋打勻之後，醬汁變得非常之Creamy，每一條烏冬都掛滿咗卡邦尼汁👍🏻🍮雞蛋布甸 $38埋尾當然要食返個甜品，布丁滑溜得來唔會太甜。總結，餐廳嘅食物質素同服務
🐟特上刺身盛拼盤7點盛 $680 七款刺身包括：間八（2米以上嘅鰤魚）、大拖羅、鯛魚、深海池魚、和牛、牡丹蝦、赤貝。
每款各有兩片
擺盤有心思，用咗蘿蔔苗同埋食用細細的紫花，當然仲有紫蘇葉啦！
大拖羅魚香超正，油脂勁重！香口。食完大拖羅可以食少少蘿蔔苗清一清味覺，先再試下一款🥰
另外三款魚各有特色，爽口同淋身都有，每款魚都配左唔同嘅調味(例如柚子胡椒，辣蘿蔔碎) 更加帶出到刺身嘅鮮味。牡丹蝦口感黏稠彈牙，赤貝爽口鮮甜。
🍢炭火燒拼盛6串 $180
燒得香噴噴，有免治雞肉棒、雞翼、秋葵、豚大蔥、雞肉同埋鵪鶉蛋。燒得啱啱好，唔會太過乾身，調味亦都恰到好處，惹味得來唔會太過重味。
🐚肉厚活3年帆立貝 $138
視覺效果一流，送上枱仲係燒緊，帆立貝肉非常之厚身，入口仲係爽口彈牙。
🥚明太子煎蛋卷 $78
明太子鹹香得來但有少少辣，配嫩滑嘅玉子，開胃👍🏻
🦪海膽汁燒蠔 $118
用鐵板上，上枱熱辣辣。炸到脆口嘅蠔配咸香惹味嘅海膽醬汁。
🍝雞湯卡邦尼拌烏冬 $88
將雞蛋打勻之後，醬汁變得非常之Creamy，每一條烏冬都掛滿咗卡邦尼汁👍🏻
🍮雞蛋布甸 $38
埋尾當然要食返個甜品，布丁滑溜得來唔會太甜。
總結，餐廳嘅食物質素同服務都相當好，絕對係值得Encore
張貼
