林氏廚房 (已結業)

今日去咗荔枝角一間樓上嘅西餐，試左佢地二人餐套餐都只係$488。另外發現原來呢度星期三會有live band，而且佢哋嘅lunch menu有protein shake 好正啱晒做gym人士。是日餐湯及餐包今日餐湯係忌廉湯，用黎點餐包食唔錯蟹肉煙三文魚沙律配油醋汁呢個沙律蟹肉份量都唔少，而且加埋煙三文魚帶來豐富嘅鹹香，油醋汁酸酸甜甜令整個沙律食落非常之開胃。炸物拼盤炸物拼盤包括雞翼茶樹菇同埋餃子。食材全部都係啱啱新鮮炸起，配上椒鹽同埋蛋黃醬非常惹味，最出色係茶樹菇外脆內軟。紐西蘭肉眼扒大大塊肉眼扒配上燒汁，而且肉質嫩滑多汁，黑椒同埋岩鹽就自己根據口味再添加。配菜嘅薯蓉都好出色非常香滑。帶子黑松露意大利飯意大利飯相當重黑松露味，而且米飯亦都住得非常之軟糯，每一啖飯都比濃郁嘅黑松露汁包住，帶子煮得啱啱好熟好鮮甜。最後仲有朱古力蛋糕做甜品同埋餐飲。