影片
更多
2021-06-26
165 瀏覽
朋友話荃灣有間樓上cafe，環境唔錯仲有唔少board game可以玩，所以去玩吓順便食晩餐。.試咗佢嘅五道菜晚餐，價錢包法包+餐湯、主菜、精選蛋糕/雪糕+咖啡/茶。另外可以加錢配前菜或甜品。.法包+餐湯 🥖+🥣法包搽咗香草蒜蓉牛油，烘得香脆香口。南瓜湯濃稠creamy ，啖啖都食到清甜嘅南瓜味道。.前菜：白酒忌廉煮青口 (配多士)+$68 🥂藍青口肉質新鮮，白酒嘅酒香配上香滑creamy 嘅忌廉，加埋洋蔥嘅甜味，帶出青口嘅鮮味，真係最佳配搭。.柑橘鴨胸肉配自家製無花果醋 (可選配西蘭花薯餅/意粉) $168 🍊🐦鴨胸唔係食開嗰種煙燻鴨胸而係新鮮鴨胸肉，鴨胸皮下帶有油脂，燒烤後逼出油脂，所以食落唔會覺得好肥。外皮烤得金黃焦香，肉質帶淡淡粉紅色，口感非常鮮嫩，蘸埋自家製無花果醋，可以balance肉類嘅油膩感仲更加清新開胃。薯餅外皮煎得香脆，薯蓉入面仲包住流心芝士，呢個有驚喜。.24小時慢煮澳洲牛頰肉配紅酒牛燒汁 (可選配薯蓉/意粉) $228 🐮🍝牛頰肉長時間慢煮，所以肉汁不易流失，保持肉質軟嫩、多汁和濃郁肉味。紅酒牛燒汁完全滲入牛肉之中，味道非常醇厚。.凍玫瑰荔枝梳打 $36 (跟餐
.
試咗佢嘅五道菜晚餐，價錢包法包+餐湯、主菜、精選蛋糕/雪糕+咖啡/茶。另外可以加錢配前菜或甜品。
.
法包+餐湯 🥖+🥣
法包搽咗香草蒜蓉牛油，烘得香脆香口。南瓜湯濃稠creamy ，啖啖都食到清甜嘅南瓜味道。
.
前菜：白酒忌廉煮青口 (配多士)+$68 🥂
藍青口肉質新鮮，白酒嘅酒香配上香滑creamy 嘅忌廉，加埋洋蔥嘅甜味，帶出青口嘅鮮味，真係最佳配搭。
.
柑橘鴨胸肉配自家製無花果醋 (可選配西蘭花薯餅/意粉) $168 🍊🐦
鴨胸唔係食開嗰種煙燻鴨胸而係新鮮鴨胸肉，鴨胸皮下帶有油脂，燒烤後逼出油脂，所以食落唔會覺得好肥。外皮烤得金黃焦香，肉質帶淡淡粉紅色，口感非常鮮嫩，蘸埋自家製無花果醋，可以balance肉類嘅油膩感仲更加清新開胃。薯餅外皮煎得香脆，薯蓉入面仲包住流心芝士，呢個有驚喜。
.
24小時慢煮澳洲牛頰肉配紅酒牛燒汁 (可選配薯蓉/意粉) $228 🐮🍝
牛頰肉長時間慢煮，所以肉汁不易流失，保持肉質軟嫩、多汁和濃郁肉味。紅酒牛燒汁完全滲入牛肉之中，味道非常醇厚。
.
凍玫瑰荔枝梳打 $36 (跟餐半價) 🌹🍹
飲到淡淡嘅花香同果香味，唔會有人造香精味道，感覺好fresh，係好啱配肉類嘅飲品。
.
凍朱古力Latte $38 (跟餐半價) 🍫🥛
朱古力味道濃郁，牛奶嘅比例啱啱好，再加上滿滿嘅忌廉，非常邪惡！
.
抹茶芝士蛋糕 🍵🍰
芝士蛋糕質感結實，芝士味突出，加咗抹茶粉將茶嘅甘香帶入芝士蛋糕，味道好夾。
.
朱古力雪糕 🍫🍨
.
總括而言：Cafe環境輕鬆舒適，窗邊位仲可以睇到海景，佢哋仲有啲靚靚嘅Afternoon tea set，啱晒同朋友嚟嘆吓放鬆吓！
張貼
