影片
更多
2019-01-29
95 瀏覽
唔好以為樓上cafe志在俾人傾計環境舒服就夠，其實一樣可以有高質嘢食，呢間就係其中之一，事關廚師前身係行政總廚，質素自然有保證✨叫咗三道菜每個都好出色：就咁好普通嘅法包小食都已經唔簡單，蟹肉碎加明太子醬既鮮亦香，同時混咗蟹子同洋蔥粒增添口感層次✨火灼三文魚可以話係近期食過最出色嘅魚，過往好驚西餐食三文魚，普通裏面都係又鞋又乾，但呢度個三文魚超嫩滑，拮落去時仲帶彈性，滿滿嘅慢煮感覺，而表面都有微微咁煎過再香口啲，最過癮係佢用咗豆豉嚟做配料，腦裏即刻閃起豆豉鯪魚，惹味得嚟又勾起comfort food嘅印象，玩味十足😏XO醬天使麵初時驚會辣，但入口發覺完全唔辣兼好惹味，天使麵幼滑軟腍具彈性食得舒服，而XO醬入面再混咗啲蒜粒爆香過，味道超香，就算冇任何餸淨係醬撈麵已經好好食，唯一係都幾油下食到尾會有少少膩😌嘢飲方面玫瑰草莓梳打味道都幾特別，用自家製草莓漬醬沖調，入味帶陣山楂餅味然後滿滿嘅玫瑰湧出嚟味感覺好少女，至於紅莓蜜桃就靚囉😛
叫咗三道菜每個都好出色：就咁好普通嘅法包小食都已經唔簡單，蟹肉碎加明太子醬既鮮亦香，同時混咗蟹子同洋蔥粒增添口感層次✨
火灼三文魚可以話係近期食過最出色嘅魚，過往好驚西餐食三文魚，普通裏面都係又鞋又乾，但呢度個三文魚超嫩滑，拮落去時仲帶彈性，滿滿嘅慢煮感覺，而表面都有微微咁煎過再香口啲，最過癮係佢用咗豆豉嚟做配料，腦裏即刻閃起豆豉鯪魚，惹味得嚟又勾起comfort food嘅印象，玩味十足😏
XO醬天使麵初時驚會辣，但入口發覺完全唔辣兼好惹味，天使麵幼滑軟腍具彈性食得舒服，而XO醬入面再混咗啲蒜粒爆香過，味道超香，就算冇任何餸淨係醬撈麵已經好好食，唯一係都幾油下食到尾會有少少膩😌
嘢飲方面玫瑰草莓梳打味道都幾特別，用自家製草莓漬醬沖調，入味帶陣山楂餅味然後滿滿嘅玫瑰湧出嚟味感覺好少女，至於紅莓蜜桃就靚囉😛
張貼
