韓珍 (帝國中心) (已結業)

好耐都冇食韓燒啦，之前同朋友食過韓珍印象幾好，所以今次朋友聚餐又揀咗嚟韓珍。入到餐廳已經見到好多韓國人都有光顧，而且係韓國老闆主理，味道真係夠曬正宗呀😆 我地叫咗兩份燒烤嘅肉、芝士炒年糕同水冷麵。除咗叫嘅菜式之外，佢哋嘅前菜仲非常豐富，仲會送鐵板雞蛋餅添呀😍-特級牛肋骨牛肋骨係整條上嘅，一睇色澤就知道夠晒新鮮。店員好熱心咁幫我哋燒，燒完再剪開一塊塊就得架啦～ 牛肋骨食落牛味十足，肉質嫩滑多汁，同時油香四溢，配埋生菜包住食真係味道口感一流👍🏻-辣護心肉調味係辣辣地甜甜地嘅幾惹味，但又唔算太辣。護心肉份量好多又大塊，適合多人share，性價比幾高。肉質帶點咬口，味道就幾惹味～-芝士炒年糕呢份炒年糕真係好驚喜呀❣️味道可以話同韓國嘅非常相似🇰🇷 而且芝士份量真係非常足料，炒年糕味道惹味又唔會太辣，裡面仲有魚糕片添呀😋-葛根水冷麵上菜嘅時候韓國人老闆好熱心咁幫我哋剪開冷麵同介紹冷麵嘅食法超級nice😆 水冷麵份量超足料，應該3-4人分享都得。呢款冷麵嘅麵質好有咬口好煙韌，湯底味道清淡，配料有雞蛋、青瓜絲等，建議配埋芥末醬食別有風味哦😋