Bistro Du Vin

營業中

休息中

呢晚去西環探朋友，佢專登帶我去呢間法式餐廳食飯，聲稱食物同環境都有質素。餐廳環境裝修華麗得來帶少少懷舊感覺， 餐牌有多款set dinner及單點選擇。我哋兩個人揀咗個一人晚餐，包3-course，有餐湯/沙律、主菜及甜品。另外單點咗一個主菜share。里昂水波蛋沙律 - 入面有沙律菜，煙肉同水波蛋，味道好清新，好開胃嘅一個前菜。龍蝦扁意粉 - 一睇賣相已經流晒口水，未食已經聞到濃烈嘅香味。龍蝦肉質爽甜，配埋香濃嘅龍蝦汁同彈牙嘅扁意粉。真心好味，好高質。法國油封鴨腿 - 肉質入味得來好鮮嫩，亦唔會好肥膩。配菜係豆角，平衡咗肉嘅油感，感覺健康啲。甜品係Madeleine signature - 呢個小蛋糕絕對係必食之選，熱辣辣，入口鬆軟。再配埋濃郁嘅朱古力雪糕，感覺有啲似Gelato。甜甜嘅蛋糕，配上特濃嘅朱古力味，超級合拍。呢個甜品，我比好高分。餐廳佈置classic得來亦好舒服，食物質素相當之高，好適合一班朋友又或者情侶食飯。