焰淑泰國餐廳 (已結業)

每次去親銅鑼灣拉麵街都係食拉麵，今次有新發現原來呢度開咗間泰國菜，人流都幾多，而且望落去氣氛都幾好。於是就入去試吓啦!!我哋叫咗一個Pad Thai 另外叫咗串燒、豬頸肉同埋蠔仔煎蛋。Pad Thai 方便水準都算唔錯，炒得乾爽得來，酸酸甜甜，同喺泰國食嘅有得比。串燒方面都非常足料，一串有好大舊肉，而且醬汁都好正！最值得一讚係個蠔仔煎餅！每粒蠔都大大粒，而且鮮甜得來又唔會有腥味！如果下次再一定會叫返呢個。最後仲叫咗個椰青，兩個人啱啱好食飽飽！