The Old Book Store by The So Lonely Club

營業中

休息中

有次係銅鑼灣周圍行下，見到呢間個裝修擺設好有心思好有氣氛，見到個店名，好特別叫The Old Book Store by The So Lonely Club，就打算下次幫趁下。今日醒起，就同個朋友去試下。一入到去，由於聖誕節就到，成個佈置都好有聖歡樂氣氛，好多打卡位。由於我地係lunch去，有lunch set可以叫，圍埋都係百零蚊一位，有餐湯/沙律，一個main course，同一杯餐飲。我地叫左燒牛肉柚子沙律配烤麵包片同芝麻花生手撕雞比薩，另外用左優惠價加多個薯條。個餐湯係忌廉蘑菇蓉湯：飲落有粒粒蘑菇蓉，增添左個口感，好好飲另外，燒牛肉柚子沙律：牛肉燒烤嫩滑，柚子清爽酸甜。食落口感層次豐富，清新開胃。而芝麻花生手撕雞比薩：比薩餅底薄脆香口，手撕雞肉嫩滑，芝麻花生香脆。食落風味獨特，有驚喜！最後，兩杯餐飲叫左pandan iced tea同Americano。pandan iced tea飲落有種透心涼感，另外有香蘭葉的獨特香氣。望下餐廳裝飾，食左個悠閒好味lunch，感覺到聖誕節好似已經到左咁。