影片
更多
2023-08-26
174 瀏覽
前排生日🎂，好多謝朋友們帶我食左好多好嘢，想快d介紹俾大家，而且每間都有慶生驚喜可以提供，啱晒同朋友約食生日飯🥰呢間主打食高質泰式fusion菜嘅餐廳，下層係酒吧為主，上層就係食嘢同打卡為主📸，我地揀左坐上層，真係估唔到香港都有咁靚嘅餐廳，有270度嘅環形螢幕，播放緊藍色調為主嘅銀河星空🌃，仲有識郁嘅流星點綴💫，個感覺係好似去左一個星空水族館咁，唔明我講咩呢，去左你就會明㗎啦🤭如果有朋友生日，上甜品嘅時候會播生日歌，螢幕會轉成Happy Birthday嘅圖案，好有心思同驚喜🥳🥳🦐生蝦刺身 $168一上枱被安排左個出煙效果，大家記得影相或者Boomerang👯♀️生蝦大大隻好肥美，爽口彈牙，又鮮甜，必叫！🍝冬蔭公虎蝦卡邦尼意粉 $248冬陰功酸辣味好過癮，配上卡邦尼汁，形成一個好creamy嘅冬陰功，意粉有咬口，上面有隻巨型虎蝦，正🤩🦀黃咖哩軟殼蟹配印度薄餅 $268+$88呢個咖哩好特別，質地好似濃稠嘅蛋花羹咁，好有質感，咖哩味濃郁，軟殼蟹炸得好脆但唔乾身，脆得黎軟身。咁好食嘅咖哩醬梗係唔好晒，配埋酥脆嘅薄餅一齊食，絕😝🥗泰式肉碎生菜包 $128豬肉碎好惹味，辣味好足，鍾意食辣嘅朋友
呢間主打食高質泰式fusion菜嘅餐廳，下層係酒吧為主，上層就係食嘢同打卡為主📸，我地揀左坐上層，真係估唔到香港都有咁靚嘅餐廳，有270度嘅環形螢幕，播放緊藍色調為主嘅銀河星空🌃，仲有識郁嘅流星點綴💫，個感覺係好似去左一個星空水族館咁，唔明我講咩呢，去左你就會明㗎啦🤭
如果有朋友生日，上甜品嘅時候會播生日歌，螢幕會轉成Happy Birthday嘅圖案，好有心思同驚喜🥳🥳
🦐生蝦刺身 $168
一上枱被安排左個出煙效果，大家記得影相或者Boomerang👯♀️生蝦大大隻好肥美，爽口彈牙，又鮮甜，必叫！
🍝冬蔭公虎蝦卡邦尼意粉 $248
冬陰功酸辣味好過癮，配上卡邦尼汁，形成一個好creamy嘅冬陰功，意粉有咬口，上面有隻巨型虎蝦，正🤩
🦀黃咖哩軟殼蟹配印度薄餅 $268+$88
呢個咖哩好特別，質地好似濃稠嘅蛋花羹咁，好有質感，咖哩味濃郁，軟殼蟹炸得好脆但唔乾身，脆得黎軟身。咁好食嘅咖哩醬梗係唔好晒，配埋酥脆嘅薄餅一齊食，絕😝
🥗泰式肉碎生菜包 $128
豬肉碎好惹味，辣味好足，鍾意食辣嘅朋友一定好鍾意，雖然我唔係幾食得辣，但都會忍唔住食完一啖又一啖😜生菜唔夠仲可以免費添👍
🥭芒果班蘭糯米飯 $168
未見過咁精緻嘅芒果糯米飯，仲加左班蘭味，令糯米飯更香！糯米飯質感好煙韌、軟綿，上面嘅芒果甜到不得了😋提提你，只要你同餐廳講有朋友生日，佢就會幫你係甜品上面加生日牌同埋寫字㗎啦😉
🍌香蕉煎餅 $128
賣相都係一樣咁掂！餅皮煎到脆卜卜，呈金黃色，又煙靭，裡面包住香甜嘅暖暖地嘅新鮮香蕉，好滿足👍
😋味道：9/10
👀環境：9.5/10
🤵🏻♀️服務：8/10
張貼
