影片
更多
2024-06-24
2884 瀏覽
出街想食高質泰菜既話，推薦大家試下THAI MASTER泰斗.ᐟ 無論係環境定食物都好正😆 餐牌有成幾十款正宗泰國菜式，多到有選擇困難症😂 最鍾意餐廳採用半開放式露台設計，欣賞園林景觀，唔洗飛去泰國都可以chill住嘆泰菜🇹🇭夜晚黎到仲特別有feel添✨❝ 小食拼盤(細) $148 ❞拼盤有成16件經典泰式小食，泰式雞卷﹑魚餅﹑蝦餅﹑粉絲皮春卷各有4件，超抵食✅ 每件都煎到金黃香脆，蝦餅入口彈牙，而魚餅味道正宗，帶點香辣味道，配埋泰式酸辣醬更加香口😍❝ 生菜包 $168 ❞豬肉碎份量十足，用上泰式香料調味特別惹味，唔會太辣😆 最鍾意佢炒得夠乾身，唔會太油膩，配埋新鮮爽脆既生菜一齊食，口感超豐富👍🏻❝ 串燒沙嗲雞 $38 ❞泰菜點少得串燒～ 一份兩串雞肉充滿焦香，入口嫩滑，沾上秘製沙嗲醬勁正🤭 ❝ 菠蘿海鮮炒飯 $168 ❞好食既菠蘿炒飯一定係原個菠蘿送上，保證係新鮮菠蘿肉🍍 餐廳絕不吝嗇，用上豐富海鮮：魷魚﹑青口、蝦仁😍 而炒飯都好有水準，米飯粒粒分明，配上腰果﹑肉鬆等配料，味道夠正宗👍🏻❝ 芒果糯米飯 $68 ❞心形既糯米飯賣相好靚，連隻匙勺都係心形，充滿心思🤍 芒果入口清甜，而糯米
❝ 小食拼盤(細) $148 ❞
拼盤有成16件經典泰式小食，泰式雞卷﹑魚餅﹑蝦餅﹑粉絲皮春卷各有4件，超抵食✅ 每件都煎到金黃香脆，蝦餅入口彈牙，而魚餅味道正宗，帶點香辣味道，配埋泰式酸辣醬更加香口😍
❝ 生菜包 $168 ❞
豬肉碎份量十足，用上泰式香料調味特別惹味，唔會太辣😆 最鍾意佢炒得夠乾身，唔會太油膩，配埋新鮮爽脆既生菜一齊食，口感超豐富👍🏻
❝ 串燒沙嗲雞 $38 ❞
泰菜點少得串燒～ 一份兩串雞肉充滿焦香，入口嫩滑，沾上秘製沙嗲醬勁正🤭
❝ 菠蘿海鮮炒飯 $168 ❞
好食既菠蘿炒飯一定係原個菠蘿送上，保證係新鮮菠蘿肉🍍 餐廳絕不吝嗇，用上豐富海鮮：魷魚﹑青口、蝦仁😍 而炒飯都好有水準，米飯粒粒分明，配上腰果﹑肉鬆等配料，味道夠正宗👍🏻
❝ 芒果糯米飯 $68 ❞
心形既糯米飯賣相好靚，連隻匙勺都係心形，充滿心思🤍 芒果入口清甜，而糯米飯軟糯Q彈，倒上椰漿增添甜味，簡直絕配.ᐟ
❝ 𝑩𝒂𝒏𝒈𝒌𝒐𝒌’𝒔 𝑺𝒖𝒎𝒎𝒆𝒓 $108 ❞
想感受下曼谷熱辣辣既夏天🇹🇭不妨試下呢杯~ 杯邊添上泰式辣椒粉，配上由唔同水果(芒果﹑橙﹑菠蘿﹑熱情果)加vodka調成既酒，整體香甜又辛辣刺激，幾有特色🔥
❝ 𝑾𝒉𝒊𝒕𝒆 𝑻𝒆𝒎𝒑𝒍𝒆 $108 ❞
冰塊係藍色玫瑰花造型🌹打卡一流.ᐟ 呢杯酒同樣以水果調配，加入益力多帶有微酸味道，清新醒胃，比起上一杯較易入口，啱哂女士飲～
張貼
