影片
更多
2023-09-05
34 瀏覽
放工同朋友經過黃埔，諗住一齊食飯，順便敘舊。見到海報見到有二人餐做緊特價，於是就諗住入去試吓。結果食完覺得質素都幾唔錯。💛海鮮二人盛宴＄1188💛時令海膽刺身坊間一般嘅海膽都係一節手指長度左右，但呢個一份已經係差唔多一條手指咁長，佢會連埋紫菜俾我哋一齊食。食落口口腔完全俾海膽嘅香味包圍，而且海膽肉都好鮮甜，就算咁大塊都唔會覺得膩，香味就算吞落口都依然停留，超級推薦。💛加拿大A級野生蚌刺身而且生蚌刺身都唔會輸，切得厚薄適中，所以食落口肉質好彈牙。而蚌本身嘅味道完全唔會腥，點少少芥末已經可以帶到本身嘅鮮甜味，做到貝類刺身應該有嘅彈身口感，好新鮮。💛特盛鮮活海鮮併盤有鮑魚、龍蝦、沙白同蟶子。個人最鍾意食鮑魚同蟶子。首先，鮑魚唔係普通嘅鮑魚係黑鮑，相比起一般嘅鮑魚，我會覺得佢嘅肉質會再緊致啲，但完全唔會好難咬，點少少火鍋豉油同蒜蓉已經覺得好夠味。其次蟶子都好好食，佢嘅蟶子偏向大份，煮熟之後肉會自動脫殼，呢個時候食就啱啱好，食落口係新鮮海鮮會有嘅鮮甜同緊致。💛鎮店即劏騸牯肥牛&人氣手切頸脊首先，佢嘅肥牛係好重脂肪嘅牛，煮熟之後會變得好軟，食落口牛肉味幾重，雖然脂肪多，但都唔會好油膩，反而有種入口
💛海鮮二人盛宴＄1188
💛時令海膽刺身
坊間一般嘅海膽都係一節手指長度左右，但呢個一份已經係差唔多一條手指咁長，佢會連埋紫菜俾我哋一齊食。食落口口腔完全俾海膽嘅香味包圍，而且海膽肉都好鮮甜，就算咁大塊都唔會覺得膩，香味就算吞落口都依然停留，超級推薦。
💛加拿大A級野生蚌刺身
而且生蚌刺身都唔會輸，切得厚薄適中，所以食落口肉質好彈牙。而蚌本身嘅味道完全唔會腥，點少少芥末已經可以帶到本身嘅鮮甜味，做到貝類刺身應該有嘅彈身口感，好新鮮。
💛特盛鮮活海鮮併盤
有鮑魚、龍蝦、沙白同蟶子。個人最鍾意食鮑魚同蟶子。首先，鮑魚唔係普通嘅鮑魚係黑鮑，相比起一般嘅鮑魚，我會覺得佢嘅肉質會再緊致啲，但完全唔會好難咬，點少少火鍋豉油同蒜蓉已經覺得好夠味。其次蟶子都好好食，佢嘅蟶子偏向大份，煮熟之後肉會自動脫殼，呢個時候食就啱啱好，食落口係新鮮海鮮會有嘅鮮甜同緊致。
💛鎮店即劏騸牯肥牛&人氣手切頸脊
首先，佢嘅肥牛係好重脂肪嘅牛，煮熟之後會變得好軟，食落口牛肉味幾重，雖然脂肪多，但都唔會好油膩，反而有種入口即溶嘅感覺。
而頸脊油脂分布比較平均，雖然冇肥牛咁軟嫩，但佢嘅肉質會更加緊致，所以食落口嘅時候會感受到肉嘅纖維，而且佢嘅牛肉味比肥牛再濃啲，所以肥牛同頸脊都係不相伯仲。
💛雜錦拼盤
有黑松露餃、韮菜餃、鮮蝦丸同墨粒丸。最令我感到驚喜係鮮蝦丸，比起坊間一般嘅丸類同蝦滑都彈牙好多，食得出好新鮮蝦肉，一定要試吓!
💛雜菜拼盤
有生菜、菜心同茼蒿，茼蒿係屬於打邊爐專屬嘅菜，所以覺得集材拼盤有茼蒿幾正。而手打烏冬係我鍾意嘅質地，偏扁身同埋好索湯。
💛雪糕兩球
溫度雪得好冰，係偏硬身嘅雪糕，我最鍾意嘅質地就係硬身嘅雪糕，佢係曲奇味嘅雪糕而牛奶味都好重，所以覺得幾好食！
張貼
